Ўзбекистон фуқаролари қайси давлатларга визасиз кира олиши маълум қилинди

Ҳозирда мамлакат фуқаролари 35 та давлатга визасиз кириш ҳуқуқига эга. Бу ҳақда Ташки ишлар вазирлиги матбуот котиби Аҳрор Бурҳонов маълум қилди.

“Музокаралар давом этмоқда”

Аҳрор Бурҳонов хабарига кўра, Ташқи ишлар вазирлиги Ўзбекистон фуқароларига хорижий давлатларда виза талабларини бекор қилиш ёки соддалаштириш устида музокаралар олиб бормоқда. Қайд этилишича, 2023-2025 йилларда Хитой, БАА, Таиланд, Уммон, Эрон каби 10 га яқин давлат билан визасиз режим жорий этилган. Шунингдек, Саудия Арабистони, Қатар, Вьетнам каби мамлакатлар Ўзбекистон фуқаролари учун виза тартибини енгиллаштирган.

“Ҳозирги вақтда ўнлаб давлатлар билан фуқароларимизнинг хорижга чиқишини янада осонлаштириш бўйича фаол музокаралар давом этмоқда”, дея маълум қилган вазирлик матбуот котиби.

Ўзбекистонликларни қайси давлатлар визасиз киритади?

Ҳозирда Ўзбекистон фуқаролари қуйидаги давлатларга визасиз кириш ҳуқуқига эга:

• Антигуа ва Барбуда;
• Арманистон;
• Барбадос;
• Беларусь;
• Бирлашган Араб Амирликлари;
• Доминика;
• Эрон;
• Фаластин;
• Филиппин;
• Гаити;
• Гамбия;
• Грузия;
• Гренада;
• Кения;
• Кот-дъИвуар;
• Малайзия;
• Микронезия;
• Мўғулистон;
• Молдова;
• Намибия;
• Озарбайжон;
• Қирғиз Республикаси;
• Қозоғистон;
• Россия;
• Сент Винсент ва Гренадин ороллари;
• Сейшел ороллари;
• Шри Ланка;
• Суринам;
• Таиланд;
• Тожикистон;
• Туркия;
• Украина;
• Хитой;
• Уммон.

Қайси давлатларга электрон виза “ўтади”?

Ўзбекистон фуқаролари қуйидаги давлатларга кириш учун электрон виза олиши мумкин (e-visa):

• Эфиопия;
• Экваториал Гвинея;
• Габон;
• Гвинея;
• Ҳиндистон;
• Жанубий Судан;
• Жибути;
• Конго Демократик Республикаси;
• Лесото;
• Малави;
• Нигерия;
• Уганда;

Айрим давлатларга бориб, кейин виза олса бўлади

Ўзбекистон фуқаролари қуйидаги давлатларга кириб келганда виза олиши мумкин (Visa on arrival):

• Боливия;
• Бурунди;
• Гвинея Бисау;
• Индонезия;
• Иордания;
• Кабо Верде;
• Камбоджа;
• Комор ороллари;
• Лаос;
  Ливан;
• Мадагаскар;
• Макао;
• Малдив ороллари;
• Маврикий;
• Мавритания;
• Мозамбик;
• Непал;
• Никарагуа;
• Палау;
• Қатар;
• Руанда;
• Самоа;
• Саудия Арабистони ;
• Серра Леоне;
• Того;
• Тувалу;
• Ямайка;
• Зимбабве;
• Шарқий Тимор.

Умуман олганда, айни пайтда ўзбекистонликлар 35 та давлатга визасиз, яна 42 та мамлакатга соддалаштирилган тартибда кириш имкониятига эга.