Агар турк киноси билан биринчи марта танишаётган бўлсангиз, ҳиссиётларингиз сезиларли даражада ўзгариши мумкин, чунки бу сериалларда ҳеч кимни бефарқ қолдирмайдиган алоҳида муҳит мавжуд.
Бироқ турк кино маҳсулотларини томоша қилиш бўйича етарлича тажрибага эга бўлсангиз, янгиликларга шубҳа билан қарай бошлайсиз ва сериалларни томоша қилиш аста-секин сизни асабийлаштириши мумкин.
Туркча сериалларнинг камчиликлари
Чўзилиб кетган хронометраж
Ҳар ҳолда 1 қисмнинг 2-2,5 соат бўлиши етарлича катта формат. Агар сериал қизиқарли бўлса, баъзан бу вақт сезилмасдан ўтиб кетади. Бундай лойиҳалар эса унчалик кўп эмас, шунинг учун сериалларни узоқ томоша қилиш барибир томошабинни зўриқтиради.
-nEx0lEdk.webp)
Стандарт сюжет бурилишлари
Турк сериалларидаги энг тез-тез такрорланадиган ҳолат — бу амнезия, хотира йўқолиши, қаҳрамонлардан бири ўтмишдаги воқеаларни эслай олмайдиган ҳолатлар. Ҳатто узоққа бормасдан, сўнгги йилларнинг энг машҳур турдизи ромкомларидан иккитаси — “Тўрғай” ва “Қалбим эшигини қоқ” сериалларида хотира йўқотиш мавзуси мавжуд. Бош қаҳрамонлар Серкан ва Жан бахтсиз ҳодисалардан кейин хотирасини йўқотади.
-XxZ8fmIf.webp)
Романтик лаҳзалар ҳам деярли бир хил — ёпиқ жойлардан қўрқиб ҳушидан кетган қизлар, лифтнинг тўхтаб қолиши, ёмғирда шалаббо бўлиш, фавворалар ва суғориш қурилмаларидан сув сачраши. Ҳа, бундай саҳналар чиройли кўринади, лекин барчаси бир-бирига ўхшаш.
-yeUHC_As.webp)
Бундан ташқари, сценарийнавислар томошабинларни ҳаяжонланишга мажбур қилиш учун бош қаҳрамонларнинг жанжал ва ажралиш саҳналаридан фойдаланади. “Ижарага муҳаббат” сериалида Дефне ва Омер ажрашиб, бир йилдан кўпроқ вақт алоҳида яшайди. “Тўрғай”да Жан ҳам Сан билан жанжаллашгандан сўнг бир йилдан кўпроқ вақтга кетади ва янги учрашув уларнинг муносабатларининг янги босқичига айланади, аммо... хотира йўқолиши яна севгилиси билан бирга бўлишига тўсқинлик қилади.
-rI2ElV3I.webp)
Мантиқсиз сюжет чизиқлари
Ҳар қандай одамни мантиқсизлик ҳафсаласини пир қилади. Турк сериалларида бу жуда кўп учрайди. Уларнинг аксариятида муҳим деталларга эътибор берилмайди, диққат билан яратилган интригалар қаергадир йўқолиб кетади, изоҳларни томошабинлар ўзларича ўйлаб топишга мажбур, чунки ссенаристлар ўзлари ёзган сюжет чизиқларига шунчаки эътибор бермай қўйишади.
-TfyQO5n1.webp)
Лекин бундай эътиборсизликнинг натижаси ҳар доим бир хил бўлади: ҳамма севган қаҳрамонлар ҳам бундай сюжет ичига тушиб қолса, томошабинларни асабийлаштира бошлайди. “Истанбулнинг икки юзи” сериалида бош қаҳрамон қандайдир касалликдан азият чекади (Мажит уни биринчи учрашувдан кейин уйига олиб кетида қиз ҳансираб қолади, унга ингалятор керак бўлади), аммо 2-3 марта кучли хуружлардан сўнг сценарий муаллифлари Нериманнинг касаллигини унутишади ва лойиҳа охиригача уни эсламайдилар.
-KtTDuoWY.webp)
Ёки ижтимоий тармоқлардаги фикр-мулоҳазаларга қулоқ солиб, сюжет чизиғини ривожлантира бошлайдилар, кейин эса уни бутунлай “аралаштириб юборадилар”. Рейтинглар ошишини кутишади, лекин умидлари пучга чиқади — қўшимча сюжет чизиғи тезда ўзгартирилади.
-rEjbWp4m.webp)
Албатта, бир неча йил давом этадиган, қўшимча сюжетларнинг ривожланиши асосий ҳикоя занжирига мос келадиган, сериалларга интрига қўшадиган узоқ муддатли лойиҳалар ҳам бўлади. Бу тарихий сериаллар, турли беморлар ҳақида ҳикоя қилинадиган тиббий мавзудаги лойиҳалар ёки мижозлар алмашадиган, янги ишлар текшириладиган ҳуқуқни муҳофаза қилиш органлари ва адвокатлик идоралари фаолияти ҳақида бўлиши мумкин.
-QG_LXCK3.webp)
Баъзида эса ажойиб бошланган лойиҳалар сценарий муаллифларига фантазия етишмагани учун мантиқсизлик билан тугайди. “Беқарор”, “Қўрғон сирлари” сериаллари бошида жуда қизиқарли эди, аммо кейинчалик сюжет тобора нореал бўлиб қолди.
-Nn-0ECvC.webp)
Сериал давомида асосий қаҳрамонларнинг йўқолиб қолиши
Бундай ҳолатлар турдизида тез-тез учраб туради. Баъзан бу қаҳрамоннинг касаллиги туфайли юз беради. Масалан, “Элчининг қизи” сериалида Неслихон Атагул соғлиғидаги муаммолар сабаб лойиҳани тарк этади. У кетиши билан сюжет чизиғи жиддий ўзгаришларга учраб, Санжар бошқа бир қизни севиб қолади. Наҳотки Неслихон Атагул билан келишиб, сериални бошқача якунлашнинг имкони бўлмаган? Ҳеч бўлмаса, никоҳ маросими билан. Ёки янги қаҳрамонни авиаҳалокатдан кейин пластик операция қилдирган ва яна Санжар ёнига қайтган ўша Наре қилиб кўрсатиш мумкин эди. Шунда уларнинг муҳаббати сақлаб қолинган бўларди.
-voTHnnTr.webp)
“Қизил шарбат”да Абдулла ролини ўйнаган Сеттор Танриогеннинг касаллиги туфайли ўрнига бошқа актёр Ахмет Мумтаз Тайлан келади. Шунчаки актёр ўзгаради, чунки қаҳрамоннинг характери ўзгармайди ва сюжет линияси сақланиб қолади.
-1z9h77GF.webp)
Лойиҳанинг кутилмаганда ёпилиши ва қисқартирилган финал
Бу турк сериаллари ижодкорларига нисбатан асосий эътирозлардан бири. Ҳа, тушунарли, рейтингга кўтарилмаганидан кейин канал раҳбарияти лойиҳани тугатишни тезлаштиради, аммо сериалларнинг кутилмаганда ёпилиши энг ёқимсиз ҳолатдир.
-W1RsEiNj.webp)
Баъзида бир неча мавсум давом этаётган лойиҳалар ҳам тезда якунланади — 30 дақиқа ичида сценарий муаллифлари бош қаҳрамонларнинг тақдири қандай бўлганини кўрсатишга ҳаракат қилишади. Баъзан томошабинга асосий сюжет чизиқларини якунлаб, озми-кўпми мантиқий якун тақдим этилади. Қолганларини эса фақат тахмин қилиш мумкин.
Энг ёмон ҳолатда “Қўшни хона”, “Муҳаббат ришталари”, “Олтин қафас” сериалларида бўлгани каби ярим сўз билан узилиб, якунланади.
-w8OIGzQ_.webp)
Жуда кўп кўз ёши
Турк сериалларидаги ҳиссий саҳналар жуда кучли бўлиб, актёрлар персонажнинг ҳис-туйғуларини фақат кўзлари, мимикаси ва ҳолати билан жуда яхши ифодалайди. Бундай ижро жуда таъсирчан, томошабинларни ўзига тортади. Аммо баъзида ҳаддан ташқари кўп кўз ёшлари томошабинни зериктиради.
Аёлларнинг йиғлашини тушунса бўлади, лекин турк сериалларида эркак қаҳрамонлар ҳам тез-тез йиғлашади. Баъзида бу тўғри, чунки эркакларнинг ҳам ҳис-туйғулари бор, бундай ҳолат персонажнинг ички дунёсини кўрсатиш учун муҳим бўлиши мумкин. Аммо эркаклар нафақат кўз ёш тўкади, балки ҳўнграб йиғлайди. Бундай вазиятда, томошабин сифатида бир неча дақиқа давомида турли ракурслардан бу эмоцияларни кузатиш бир оз чарчатиши мумкин.
-WPilEbgt.webp)
Фильмларда ҳеч қачон йиғламаган ягона турк актёри бу — Жан Яман бўлса керак. Ҳар ҳолда, унинг иштирокидаги бирорта лойиҳада унинг қаҳрамонини очиқчасига йиғлаган ҳолда кўрмайсиз. “Тўлин ой” сериалида Ферит вафот этган синглиси билан ўтказган дамларини эслаган саҳна бор. Аммо у ерда ҳам актёр йиғламайди, шунчаки кўзлари жиғга ёшга тўлади. Севган одамини қўмсашнинг бундай вазмин кўриниши очиқ йиғидан кўра кўпроқ ҳис-туйғуларни уйғотади. Лекин Акин Акнозю, Энгин Акюрек доим чин кўнгилдан йиғлайди.
-4IbKBKth.webp)
Турк сериалларининг афзалликлари
Агар турк сериалларининг афзалликлари ҳақида гапирадиган бўлсак, улар ҳам кўп. Бу ажойиб мусиқий уйғунлик, чиройли жойлар, хилма-хил шакллар ва ранглар, ажойиб замонавий либослардир. Борди-ю, чиройли жуфтлик пайдо бўлса, ҳамма нарсани унутиб юборасан ва вақт ўтганини сезмай қоласан. Сюжетдан манйиқ изламайсан, шунчаки томоша қилишдан завқланасан.
-jfukF6Vf.webp)
Изоҳ (0)