2024 йил томошабинлар эътиборини тортадиган ва барча эпизодларини бир вақтнинг ўзида кўришга мажбур қиладиган кўплаб сериалларга бой бўлди. Тарихий ҳикоялар, сеҳрли фантастика, саргузаштлар ва жангари фильмлар — исталган жанрни танлашингиз ва ўзингизга ёққан фильмни топишингиз мумкин.
“Сёгун”
27 февраль куни FХ канали ва HULU стриминг хизматида Жеймс Клавеллнинг “Сёгун” романи асосида янги сериал намойиш этилди. Унда 1600 йилларда япон қирғоқларига етиб келган биринчи инглиз учувчиси Уилям Адамснинг саргузаштлари ҳақидаги Жеймс Клавелл романининг янги фильмга мослашуви томошабинни ҳайратга солади. Эпик миқёс, тарихий материаллар, текстуралар, манзаралар, Япония анъаналари, сиёсий фитнадан тўқилган чинакам ҳаяжонли сюжет.
“Сёгун” фильми орқали феодал Япониянинг ҳақиқий дунёсига олиб кетади, сериалда европаликларга бегона халқнинг ҳаёти ва урф-одатлари мукаммал тарзда етказилган. Мазкур сериал “Эмми-2024” тақдирлаш маросимида 49 та мукофотдан 14 тасини олиб, мутлақ ғолиб бўлди ва мукофотлар сони бўйича рекорд ўрнатди.
“Режим”
Режиссёр Стивен Фреарс томонидан яратилган мини-сериалда асосий ролни актриса Кейт Уинслет ўйнайди. Сюжет марказида ҳокимиятни қўлидан бой бераётган малика ҳақидадир. Сериалдаги воқеалар авторитар режимга эга бўлган Марказий Европа давлатидаги сарой ичида бўлиб ўтади. Ҳокимиятни қўлдан чиқармаслик ва авторитетни йўқотмаслик учун малика қўлидан келган ҳамма нарсани қилади. Бироқ одамлар унинг режимини ёқтирмайди. Бош қаҳрамонни бу нарса қизиқтирмайди, шунинг учун бутун аҳолига қарши чиқади.
“Кўприк остида”
14 ёшли Рина Вирк дўстлари билан ўтказган байрамдан кейин уйига қайтмайди. Полиция детективи Кем Бентленд ва ёзувчи Ребекка Годфри ишни ўз зиммасига олади ва бир нечта ўсмир болалар асосий гумондорга айланади.
Мураккаб ҳикоялар сериалнинг охирги қисмигача ҳаяжонда ушлаб туради. Унда шафқатсиз қотилликлар ва китоб ёзишни бошлаган ва катта сирни билиб қолган ёзувчи ҳақида ҳикоя қилинади.
“Франклин”
Ушбу мини сериал Apple TV+ каналида намойиш этилди. Бош ролни актёр Майкл Дуглас ижро этади. Янги тарихий сериал Стейси Шиффнинг “Буюк импровизация: Франклин, Франция ва Американинг туғилиши” китобига асосланган.
Воқеалар 1770 йилларда бўлиб ўтади. Бенжамин Франклин инглизларга қарши французлар билан иттифоқ тузиш учун Парижга боради. Дипломатик илмга эга бўлмаган 70 ёшли сиёсатчи инглиз жосуслари ва француз информаторларни ўз фикрларига айёрлик билан ишонтириши ва Америка мустақиллигини қўлга киритиши керак бўлади.
“Омадимиз келган экан”
Сериал уруш даврида қувғинга учраган полшалик яҳудий оила ҳақида. Қаҳрамонлар Польшанинг Радом шаҳрида фаровон ҳаёт кечиради. Аммо Иккинчи жаҳон уруши яқинлашгач, оила аъзолари дунёнинг турли чеккаларига сургун қилинади. Улар жуда оғир шароитларда ҳаёт учун курашишига тўғри келади.
Изоҳ (0)