Tashqarida jazirama, uy va ofislarda esa allaqachon konditsionerlar ishlab turibdi. Ayrimlar issiqdan ishlay olmaydi, boshqalari esa kasal bo‘lib qolmaslik uchun konditsioner ishlayotgan xonada qalin kiyinib oladi. Xo‘sh, xonalarni sovituvchi ushbu qurilmadan shamollab qolish mumkinmi? Ushbu savolga Rospotrebnadzor huzuridagi Epidemiologiya markazi CMD Molekulyar diagnostika markazining yetakchi mutaxassisi Mixail Lebedev javob berdi.
Konditsionerdan shamollash mumkinmi?
Ha, agar organizm issiq joydan birdaniga salqinga o‘tsa, kasallik yuzaga kelishi mumkin. Ko‘chadagi yoki dim holatdagi xona bilan sovitilgan xona orasidagi harorat farqi juda katta bo‘lsa, bu “yozgi shamollash”ga olib keladi.
Konditsionerdan kelib chiqqan shamollash va mavsumiy shamollash: ularning farqi nimada?
Avvalo, “shamollash” bu tashxis emas, balki o‘tkir nafas yo‘llari infeksiyalariga xos belgilar to‘plami. Konditsioner sababli yuzaga kelgan “yozgi” shamollash aslida mavsumiy shamollashdan unchalik farq qilmaydi, ikkisining simptomlari ham, davolanish usullari ham bir xil. Ularning farqi sababida: yozda asosan konditsionerdan noto‘g‘ri foydalanish tufayli shamollash holatlari ko‘payadi.
Konditsionerdan shamollab qolishning oldini olish
Yoz davomida sog‘lom bo‘lishga yordam beradigan bir nechta qoidalar mavjud:
- ko‘cha bilan xona harorati o‘rtasidagi farq 7–10 °C dan oshmasligi kerak;
- issiq kunlarda xona haroratini asta-sekin, har soatda 2–3 °C ga pasaytirish tavsiya etiladi. Optimal harorat: 22–25 °C;
- konditsioner ishlaganda, sovuq havo oqimi to‘g‘ridan-to‘g‘ri odamga qaratilmasligi lozim. Hozirgi zamonaviy moslamalarda havo oqimini tarqatuvchi gorizontal va vertikal panjaralar mavjud, ular shamol esayotganini sezdirmaydigan tarzda xona bo‘ylab sovuq havo tarqatadi;
- konditsioner bilan ish joyi orasida kamida 2 metr masofa bo‘lishi kerak;
- sovitilgan xonadan tashqariga chiqishdan avval, biroz vaqt konditsioner ishlamayotgan xona yoki koridorda turib, organizmni moslashtirish kerak.
Konditsionersiz xonani qanday sovitish mumkin?
-UDmrEqqc.avif)
- Ventilyator ishlating. U havoni sovita olmaydi, lekin sovuqni xonaga tarqatishda yordam beradi. Effektni kuchaytirish uchun ventilyator yoniga ho‘l mato qo‘yish mumkin.
- Havo namlagichni yoqing. Bu nafas olishni osonlashtiradi.
- Derazalarni qalin parda bilan yopib qo‘ying. Bu quyosh nurlarining kirishini kamaytiradi va xona haroratini barqaror ushlab turadi.
- Faqat ertalab va kechqurun shamollating. Kunduzi deraza ochilsa, issiq havo kiradi.
- Nam tozalash ishlari haqida unutmang. Iloji bo‘lsa, pol va boshqa sirtlarni sovuq suv bilan yuving.
Izoh (0)