Oddiy osh sodasi nafaqat oshxonada, balki bolalar xonasida ham ko‘plab foydali vazifalarni bajara oladi. Quyida sodaning 3 foydali jihatini haqida bilib olasiz.
Kiyim
Bolalar matodan o‘chishi qiyin bo‘lgan dog‘larni juda mohirlik bilan “yaratishadi”. Bunday kiyimlarni kuchli kimyoviy vositalar bilan yuvishni istamaymiz, ammo bolalar uchun mo‘ljallangan kir yuvish kukunlari har doim ham yordam bera olmaydi.
Meva, kompot yoki sharbat to‘kilgan kiyimlarni (agar darhol yuvilsa) shunchaki qaynoq suv bilan yuvish kifoya — dog‘lar ko‘z o‘ngingizda yo‘qoladi.
Qolgan turdagi dog‘larni tozalashga esa oddiy osh sodasi yordam beradi. Ikki osh qoshiq sodani kir yuvish kukuniga qo‘shing, soda kukun ta’sirini kuchaytiradi, kiyimni ham yumshatadi. Yana bir usul — kiyimni oldindan sodali eritmada 30 daqiqa davomida ivitib, keyin kir yuvish mashinasiga solish.
Devordagi rasmlar
Bolalar chizishni yaxshi ko‘radi. Ba’zida ular eng kutilmagan joylarda, masalan, yangi gulqog‘ozlarda ijod qilishadi. Agar devor bo‘yalgan bo‘lsa, gubka yaxshi yordam beradi, lekin gulqog‘ozlar bilan ishlash biroz murakkabroq.
Bir litr suvga ikki osh qoshiq soda solib aralashtiring, gubkani shu eritmaga botirib, devordagi rasmlarni ehtiyotkorlik bilan artib tozalang. Juda kuchli ishqalamang — gulqog‘ozlar yirtilib ketmasligi kerak. Ehtimol, devorni tozalashga muvaffaq bo‘lasiz.
Yoqimsiz hidlar
Ishlatilgan tagliklarni chiqindi paketiga tashlashdan avval ularga yaxshilab sodaga sepib chiqing. Bu usul yoqimsiz hidlarni ma’lum vaqtga yo‘qotishga yordam beradi.
Xuddi shu usulni boshqa har qanday yoqimsiz hidlarga qarshi ham qo‘llash mumkin. Masalan, agar bola mashinada qayt qilsa yoki gilam yoki matrasni ho‘llab qo‘ysa.
Sodali eritma (1 litr iliq suvga 2 osh qoshiq soda) nafaqat dezinfeksiya qiladi, balki yoqimsiz, o‘rnashib qolgan hidlarni ham yo‘qotadi.
Izoh (0)