Tadqiqotlar shuni ko‘rsatadiki, nonushtani qoldirmaydigan odamlar odatda tezroq vazn yo‘qotadilar va bellarida kamroq yog‘ yig‘Iiladi. Ertalab taomlanishni odat qilganlar uchun uning foydaliligini 80 foizgacha oshirish haqida mutaxassislar tavsiyalari bilan bo‘lishdik.
Uyg‘onganingizdan keyin yarim soat ichida nonushta qiling
Tibbiyot fanlari doktori Mett Tannbergning taʼkidlashicha, agar tongda tanani o‘z vaqtida “ovqatlantirmasak” uyg‘onishdan oldin sakkiz soatlik ochlikda qolgan organizmda metabolizm keskin sekinlashadi. Tanangiz kaloriya sarflanishiga to‘sqinlik qilishini xohlamasaniz, uyg‘onganingdan keyin yarim soat ichida nonushta qiling.
Ertalab suv iching
Parhezshunos Ilana Myulshteynning so‘zlariga ko‘ra, ertalab bir stakan suv ichish nafaqat vazn yo‘qotishga, balki salomatlikni saqlashga yordam beradigan ajoyib odatdir. Birinchidan, uyqudan so‘ng suvsizlanib qolamiz va buni iloji boricha tezroq tuzatish kerak. Ikkinchidan, tadqiqotlar shuni ko‘rsatadiki, ovqatlanishdan oldin suv ichish bizga odatdagidan kamroq ovqat yeyish imkonini beradi, chunki biz ko‘pincha chanqoqni ochlik bilan adashtiramiz.
Oqsil qo‘shing
Kruassan bilan nonushta qilishni yoqtirasizmi? Unda bitta sharti bor: glyukoza ko‘payib ketmasligi uchun avval oqsilli ovqatlar — masalan, tuxum, grek yogurti, lososli buterbrod yoki loviyali salat isteʼmol qilish kerak.
Uglevodlar ham qo‘shing
Dietolog Juli Miller Jonsning tushuntirishicha, agar organizm uglevod qabul qilmasa, u oqsillarni mushaklar kuchi va sog‘lig‘ini saqlash uchun “sarflab yuboradi”. Albatta, bulochkalarni kletchatkaga to‘la bo‘lgan suli yormasi bilan almashtirgan maʼqul — donli bo‘tqa uzoq vaqt to‘qlikni saqlashga yordam beradi.
Qahva iching
Tadqiqotga ko‘ra, ertalabki yoki kechki mashg‘ulotlardan 30 daqiqa oldin bir finjon achchiq qahva ichgan odamlarda sezilarli darajada “butun tanada yog‘ oksidlanish tezligining oshishi” kuzatilgan. Qahvani yoqtirmaysizmi? Sizga ko‘k choy yordam beradi – uning tarkibidagi flavonoidlar mashqlar paytida ko‘proq qorin yog‘ini yo‘qotishga yordam beradi, shuning uchun u qahvaga ajoyib muqobil bo‘la oladi.
Izoh (0)