Insoniyat ming yillardan beri zig‘irni foydali xususiyatlari uchun qadrlab keladi. Zig‘ir urug‘lari B guruhi vitaminlari, E vitamini, omega-3 yog‘ kislotalari, tolalar (kletchatka) va antioksidantlarga boy. Ular yurak-qon tomir tizimiga, hazm qilish jarayoniga ijobiy ta’sir qiladi, shuningdek, qondagi shakar miqdorini normal holatda saqlashga yordam beradi.
Zig‘ir urug‘idan olinadigan yog‘ ham juda foydalidir. U oson hazm bo‘ladi, yurak hamda qon tomir sog‘lig‘i uchun zarur bo‘lgan ko‘p to‘yinmagan yog‘ kislotalarining manbai hisoblanadi. Biroq zig‘ir yog‘i yorug‘lik va issiqlik ta’sirida tez oksidlanadi, shuning uchun faqat to‘g‘ri saqlansa foydali bo‘ladi. Yog‘ni salqin va qorong‘i joyda, qisqa muddatda saqlash tavsiya etiladi.
Urug‘ va yog‘ o‘rtasidagi tanlov sizning shaxsiy afzalliklaringiz va maqsadlaringizga bog‘liq. Agar siz tolalarga boy mahsulot izlayotgan bo‘lsangiz, butun yoki maydalangan zig‘ir urug‘ini tanlang. Urug‘larni, sut qo‘shilmagan bo‘tqalarga, salatlarga yoki pishiriqlarga qo‘shish mumkin. Foydali moddalarning yaxshi hazm bo‘lishi uchun zig‘ir urug‘ini iste’moldan oldin ivitish (namlash) tavsiya etiladi.
Zig‘ir yog‘i esa salatlarga qo‘shish uchun juda qulay. U nafaqat taomning ta’mini yaxshilaydi, balki uni foydali mikroelementlar bilan boyitadi.
Izoh (0)