Eriydigan qahva zararsiz, lekin foydali ham emas — uni haddan tashqari ko‘p isteʼmol qilish yurak urishining tezlashishi va qo‘llarning titrashiga olib kelishi mumkin.
“Oshqozon-ichak trakti kasalliklari va yurak-qon tomir asoratlari bo‘lgan kishilarga bu ichimlikdan voz kechish tavsiya etiladi”, dedi mutaxassis.
Uning so‘zlariga ko‘ra, GOST (biror narsani rasmiylashtirish, tayyorlash yoki ishlab chiqarishga qo‘yiladigan talablarni qayd etuvchi davlatlararo standart) talablariga binoan, eriydigan qahvada hech qanday qo‘shimchalar bo‘lmasligi kerak, aks holda u boshqa mahsulot — qahva ichimligi hisoblanadi.
“Eriydigan qahva donli qahvadan ishlov berish usuli bilan farq qiladi. Aynan shu sababli bunday ichimlikda dastlabki xomashyo tarkibidagi vitaminlar: efir moylari, B guruhi vitaminlari va boshqa ozuqaviy moddalar mavjud emas. Ular qahva donlarini ekstraksiya qilish jarayonida yo‘q bo‘lib ketadi, shuning uchun eriydigan qahvaning foydasi yo‘q — u shunchaki odamlar ishga shoshilayotganda vaqtni tejaydi xolos”, deya izoh berdi mutaxassis.
Sifatli qahvani sifatsizidan qanday ajratish mumkin?
Mutaxassis aytishicha, eriydigan qahva uchun to‘g‘ri tayyorlangan aralashma ichimlikka to‘yimlilik va yoqimli xushbo‘y hidlar beradi. Sifatsizini esa taʼmidan osongina aniqlash mumkin: u yo mazasiz, yo o‘ta achchiq, yoki kuygan shakar taʼmini beradi. “Bu nuqsonlarning barchasi qahva tayyorlash texnologiyasi buzilganidan dalolat beradi”, deb taʼkidlaydi mutaxassis.
U qahva miqdori va qaynoq suvda damlanadigan qoshiqlar soni har bir kishi uchun individual ekanini qayd etdi. Biroq ichimlikni tushlikdan keyin va kechqurun, shuningdek, ketma-ket bir necha finjon ichish tavsiya etilmaydi.
Izoh (0)