Yozgi mavsumda atir — nafaqat go‘zallik aksessuari, balki kun davomida tetiklik va o‘ziga ishonch baxsh etadigan eng zarur parfyumlardan biridir. Kunlar isigani sayin, yozgi atirlarga bo‘lgan ehtiyoj ham ortib boradi. “RBK-Ukraina” yoz mavsumida ayollar uchun mos keladigan 10 ta eng yaxshi atirni taqdim etdi.
Dolce & Gabbana Light Blue
Bu atir yozning chinakam klassikasi bo‘lib, hech qachon modadan chiqmaydi. Undagi sitrus va dengiz havosi uyg‘unligi nihoyatda yoqimli tetiklik baxsh etadi. Tarkibida limon va yashil olma iforlari mavjudligi sababli, yozgi dam olish va kundalik foydalanish uchun mos keladi.
Chanel Chance Eau Fraiche
Chanel Chance Eau Fraîche — yengil, yorqin va nafis atir deb ta’riflanadi. U dastlab yorqin sitruslar va kedr hidlarini taratib, darhol tetiklashtiradi. Asosida giyotsint va pushti murch bor bo‘lib, ular atirga yoqimli xushbo‘y hid qo‘shadi. Bundan tashqari, atir tarkibidagi ambra, iris va mushk — uzoq davom etuvchi hid izini qoldiradi.
Bu atir ofisda ishlash, sayr qilish va issiq havoda kechki uchrashuvlar uchun juda mos keladi.
Marc Jacobs Daisy
Marc Jacobs Daisy xushbo‘y, yoqimli, sof hidga ega bo‘lib, yosh qalbli ayollar uchun juda yaxshi tanlovdir. Bu atir quyoshli dalani, gullar va mevalarni eslatadi. Atirni bir marotaba sepganingizda tarkibidagi qulupnay, greypfrut va viola barglari yoqimli hidlarni beradi. Asosida gardeniya, yasmin hamda viola gullari mavjud.
Jo Malone Wood Sage & Sea Salt
Bu atir xushbo‘y, yoqimli, uzoq iz qoldiruvchi va noodatiy hid izlaydigan ayollar uchun mo‘ljallangan. U Britaniya sohilining dengiz havosi, tabiat hidlarini taratadi.
Kompozitsiyasida ambrat urug‘lari, dengiz tuzi va yalpiz o‘zaro uyg‘unlashib, noyob va tabiiy atir yaratadi. Bu ifor yozgi kechalar va sayohatlar uchun ayni muddao hisoblanadi.
Giorgio Armani Acqua di Gioia
Ushbu atirning ifori sizni tropik orolga olib boradi. Parfyum o‘zida turli noyob hidlarni birlashtiradi. Limon, yalpiz, yasmin, murch va pion gullari mavjud. Oxirida kedr, jigarrang shakar va labdanum iliq va biroz shirin hid qoldiradi.
Bu atir kunduzgi foydalanish va dam olish uchun juda mos keladi.
Elizabeth Arden Green Tea
Bu atir yoz uchun eng arzon, ammo shirin hidga ega atirlardan biri bo‘lib, sof va tetiklantiruvchi his beradi. U yalpiz, bergamot, limon va revenga hidlari bilan ochiladi. Yuragida yashil choy, yasmin, gvozdika va ambra mavjud. Asosida eman moxi, mushk va ziravorlarning yengil, ammo sezilarli izi bor.
Issiq kunlar va toza hidlarni sevuvchilar uchun ideal.
Issey Miyake L’eau d’Issey
Mazkur parfyum minimalizm va sof go‘zallik timsoli. Bu atirda lotos, freziya va siklamen gullari mavjud. Asosida liliya, pion, osmantus, mushk va sandal daraxti bor. Ofis va kunduzgi sayrlar uchun juda yaxshi tanlov. O‘tkir hidni xush ko‘rmaydiganlar uchun mo‘ljallangan.
Versace Bright Crystal
Versace parfyumi ayollik va nafislikni o‘zida mujassam etgan yorqin, ammo haddan ortiq o‘tkir iforga ega bo‘lmagan yengil atir hisoblanadi. Tarkibida anor, pion, magnoliya va lotos mavjud. Yozgi uchrashuvlar uchun juda mos.
Escada Sorbetto Rosso
Escada Sorbetto Rosso ta’til kayfiyati, shirin mevalar va erkinlikni sevuvchilar uchun ajoyib tanlov. Bu haqiqiy mevali kokteyl bo‘lib, Italiyaning qirg‘oqlaridan ilhomlangan qovun hidini eslatadi. Boshida nok, kalon va sitruslar yorqinlik beradi. Atirdan qovun, olma, dengiz hidlari ufurib turadi. Asosida mushk, ambra va praline mavjud.
Bu atir ta’til, plyaj va yozgi dam olish uchun ideal.
Hermes Un Jardin sur le Nil
Hermes brendiga tegishli atir bilan Nil vodiysidagi bog‘larga sayohat qilgandek bo‘lasiz. Unda yoqimli ekzotik gullar mavjud. Atir biroz nordon, ammo juda nafis.
Atirni ilk bor serganingizda yashil mango, greypfrut, pomidor va sabzi hidlari seziladi. Yuragida shox, lotos, apelsin va giyotsint mavjud. Asosidagi mushk, iris, labdanum va dolchin noyob va har xil yoqimli hid taratadi. Bu yozning issiq kunlari uchun mos atir sanaladi.
Izoh (0)