Ijtimoiy himoya milliy agentligi 2025-yil may oyida o‘n minglab fuqarolarga huquqiy yordam ko‘rsatilganini ma’lum qildi.
2025-yilning may oyi holatiga ko‘ra, O‘zbekiston bo‘yicha jami 42 447 nafar ijtimoiy himoyaga muhtoj fuqaroga yuridik yordam va huquqiy maslahatlar ko‘rsatilgan.
Shundan:
- 1 379 nafar shaxsning manfaatlarini himoya qilish maqsadida fuqarolik va ma’muriy sudlarga da’vo ariza, ariza yoki shikoyatlar kiritilgan;
- 303 nafar fuqaroga da’vo ariza loyihalari tayyorlab berilgan;
- 841 nafar ehtiyojmand shaxs nomidan davlat organlari va tashkilotlarga talabnomalar taqdim etilgan;
- 39 924 nafar fuqaroga esa ijtimoiy xizmat va yordamlar bo‘yicha huquqiy tushuntirishlar hamda maslahatlar berilgan.
Shuningdek, da’vo arizalari yoki ariza loyihalari asosan quyidagi toifadagi fuqarolar manfaatlarida tayyorlangan yoki sudlarga kiritilgan:
- Kam ta’minlangan oilalar a’zolari – 713 nafar;
- Tazyiq va zo‘ravonlikka uchragan xotin-qizlar – 470 nafar;
- Nogironligi bo‘lgan shaxslar – 86 nafar;
- Yetim va ota-ona qaramog‘idan mahrum bo‘lgan bolalar – 45 nafar;
- O‘zgalar parvarishiga muhtoj shaxslar – 20 nafar;
- Ota-onalik huquqidan mahrum etilmasdan farzandlari olib ketilgan ota-onalar – 16 nafar;
- Muayyan yashash joyiga ega bo‘lmagan shaxslar – 7 nafar;
- Boshqa ijtimoiy himoyaga muhtoj shaxslar – 22 nafar.
4 oylik statistika
2025-yil I-chorak davomida jami 17 878 nafar ijtimoiy himoyaga muhtoj aholiga yuridik yordam va huquqiy maslahatlar ko‘rsatilgan. Xususan, xizmat turi bo‘yicha:
- 1 162 nafar shaxsning manfaatlarida fuqarolik va ma’muriy sudlarga da’vo arizasi kiritilgan yoki yozib berilgan;
- 470 nafar ijtimoiy himoyaga muhtoj aholi manfaatlarini ko‘zlab davlat organlari va tashkilotlariga talabnoma kiritilgan;
- 16 246 nafar shaxsga ijtimoiy xizmat va yordamlarni ko‘rsatish sohasida huquqiy tushuntirish va maslahat (konsultatsiya) berish xizmatlari ko‘rsatilgan.
Aholi toifalari bo‘yicha esa yuqori ko‘rsatkichlar:
- kam ta’minlangan oilalarning a’zolari — 12 662 nafar (70,8 foiz);
- nogironligi bo‘lgan shaxslar — 1 758 nafar (9,8 foiz);
- tazyiq va zo‘ravonlikka uchragan xotin-qizlar — 2 317 nafar (13 foiz);
- o‘zgalar parvarishiga muhtoj shaxslar — 460 nafar (2,6 foiz);
- yetim va ota-ona qaramog‘idan mahrum bo‘lgan bolalar — 260 nafar (1,5 foiz);
- ota-onasi xorijiy davlatlarga ketgan, shu jumladan tashqi mehnat migratsiyasiga ketgan bolalar — 122 nafar (0,7 foiz);
- muayyan yashash joyiga ega bo‘lmagan shaxslar — 94 nafar (0,5 foiz);
- boshqa ijtimoiy himoyaga muhtoj aholi toifalari — 206 nafar (1,1 foiz) qayd etildi.
“Kambag‘al oilalarni davlat tomonidan ijtimoiy qo‘llab-quvvatlash tizimini yanada takomillashtirish to‘g‘risida”gi prezident farmoni qabul qilindi.
Mazkur farmonga muvofiq, 2025-yil 15-maydan boshlab Kambag‘al oilalar reyestriga kiritilgan hamda ushbu reyestrga tushish xavfi mavjud bo‘lgan oilalar “qizil”, “sariq” va “yashil” toifalarga ajratiladi. Ular uchun belgilangan ijtimoiy qo‘llab-quvvatlash choralari ushbu toifalarga muvofiq tarzda amalga oshiriladi.
Izoh (0)