Stomatolog Denis Moiseyev maʼlum qilishicha, sovuq yoki muzdek ichimliklarni muntazam isteʼmol qilish tish va plomba o‘rtasida yoriqlar paydo bo‘lishiga sabab bo‘lishi mumkin.
Tish emali yuqori bosimga chidamliligi bilan ajralib tursada, to‘satdan sovishi termik shokka olib kelishi mumkin, bu esa mikroyoriqlar paydo bo‘lishiga sabab bo‘ladi. Bu nuqsonlar oddiy ko‘z bilan ko‘rinmasligi mumkin, lekin ularni sinchkovlik bilan tekshirganda yoki kattalashtiruvchi asboblar yordamida aniqlash mumkin.
Mutaxassis shunday tushuntirdi: “Ayniqsa, emal va plombalash materiallari o‘rtasidagi chegaralar zaif hisoblanadi. Emal va plomba materialining issiqlikdan kengayish koeffitsiyentlari farq qiladi. Keskin sovish chegarada zo‘riqish hosil qiladi, bu esa mikro tirqishlar (chegaraviy o‘tkazuvchanlik) paydo bo‘lishiga yoki hatto tish-jag‘ tizimining ortiqcha yuklanishi mavjud bo‘lganda, plomba atrofidagi emalning yorilishiga olib kelishi mumkin.”
Tish sovuq ichimlik bilan to‘qnashganda, ayniqsa issiq ovqatdan so‘ng tishning qizigan yuzasi bilan aloqaga kirishsa, haroratning keskin o‘zgarishi emal va dentinda sezilarli taranglik paydo qiladi.
Ekspert qo‘shimcha qildi: “Emal inson tanasidagi eng qattiq modda bo‘lsa-da, maʼlum darajada mo‘rtlikka ega. Tez-tez sovish va keyinchalik isishning takrorlanishi gidroksiapatitning (tish emalining asosiy tarkibiy qismi) kristall tuzilishida mikroskopik nuqsonlar paydo bo‘lishiga olib kelishi mumkin”.
Bundan tashqari, salqin ichimliklar — gazlangan suvlar, sharbatlar, limonadlar va sport ichimliklari past pH darajasi bilan tavsiflanadi. Bu shuni anglatadiki, ularning nordonligi hatto sovuq sezgini so‘ndirganda ham tish emaliga bilvosita taʼsir ko‘rsatishi mumkin. Nordonlik emal minerallarini yemiradi, natijada u g‘ovak bo‘lib qoladi va mexanik hamda termik shikastlanishlarga, shu jumladan, sovuqning o‘ziga ham chidamsiz bo‘lib qoladi.
Shifokor taʼkidlaganidek, past harorat va past pH ning birgalikdagi taʼsiri tishlar salomatligi uchun alohida xavf tug‘dirishi mumkin.
Izoh (0)