Qoraqalpog‘istonning Ellikqal’a tumanida qariyb 75 mlrd so‘mlik turizm zonasi quriladi. Bu haqda Jo‘qorg‘i Kenges matbuot xizmati xabar berdi.
Keltirilishicha, Ellikqal’a tumanida Zarbdor tajribasi bo‘yicha Oqchako‘l bo‘yida umumiy 73,4 mlrd so‘m mablag‘ asosida turizm rekreatsion zonasini tashkil etish loyihasi amalga oshirilmoqda.
Loyiha doirasida ko‘l bo‘yiga to‘liq infratuzilma bilan ta’minlash orqali 3 ta mehmonxona, 18 ta mehmon uyi, 20 ta o‘tov, 2 ta restoran kabi turizm va xizmat ko‘rsatish obyektlari joylashtiriladi. Loyiha ishga tushishi bilan 75 ish o‘rni yaratilishi belgilangan.
O‘zbekistonda 2025-yildan boshlab har yili noyabr oyida “Eng namunali yashil turizm obyekti” tanlovi o‘tkaziladi.
“Turizm obyektlari hamda joylashtirish vositalarida atrof-muhitga salbiy ta’siri kamaytirilgan mahsulotlardan foydalanish va ekologik talablarga muvofiq ko‘rsatiladigan xizmatlarni rag‘batlantirish chora-tadbirlari to‘g‘risida”gi qarorga ko‘ra, tanlovni o‘tkazishning asosiy maqsadlari:
- ekologiya va atrof-muhitni muhofaza qilish hamda uning chiqindilar bilan ifloslantirishining oldini olish;
- turizm obyektlarida plastik mahsulotlardan foydalanishni hamda plastik chiqindilarni kamaytirish;
- turizm obyektlarida bir martalik plastiklardan ekologik jihatdan zararsiz (bioparchalanuvchi) mahsulotlarga o‘tish va ulardan foydalanishni rag‘batlantirish;
- ekologik talablar hamda texnik jihatdan tartibga solish sohasidagi ekologik mezonlarga rioya etilishiga erishish;
- turizm obyektlarida ekologiya, atrof-muhitni muhofaza qilishga qaratilgan innovatsion yechimlar hamda istiqbolli tashabbuslarni qo‘llab-quvvatlash.
Shuningdek, Qoraqalpog‘istonda qishloq xo‘jaligi, sanoat va turizmni rivojlantirish bo‘yicha loyiha ofisi tashkil etilishi xabar qilingandi.
Izoh (0)