Joriy yilgi abituriyentlar soni so‘nggi 7 yildagi eng kam miqdorni tashkil etishi, Pensiya jamg‘armasining pensiya yoshini oshirish bo‘yicha xabarlarga munosabati, “eskrou” tizimi sabab yangi uy-joylar narxi keskin oshishi rad etilishi — “Daryo” nashri 26-iyunda eʼlon qilingan O‘zbekistonning ijtimoiy-siyosiy hayotiga oid eʼtiborga molik xabarlarni bir joyga to‘pladi.
O‘zbekistonda biogazdan metan ishlab chiqarish loyihasi amalga oshiriladi
Bu borada Yaponiya kompaniyasi bilan hamkorlik qilish rejalashtirilgan.
O‘zbekistonda “Eng namunali yashil turizm obyekti” tanlovi o‘tkaziladi
Har yili uch nafar g‘olib aniqlanib, pul mukofoti beriladi.
O‘zbekistonda bakalavriatga qancha abituriyent ro‘yxatdan o‘tgani ma’lum qilindi
Ular soni so‘nggi 7 yildagi eng kam miqdorni tashkil etdi.
Antikorrupsiya agentligi Qashqadaryo maktablariga ko‘mir yetkazish bo‘yicha o‘tkazilgan tenderni noqonuniy deb topgandi. Ammo boshqarma o‘z bilganidan qolmayapti
Boshqarma viloyatning 7 ta tumani va Shahrisabz shahar ko‘mir omborlaridan hududlardagi 832 ta maktab va bog‘chalarga ko‘mir yetkazish bo‘yicha tender o‘tkazgandi.
O‘zbekistonda pensiya yoshini oshirish bo‘yicha hech qanday yakuniy qaror qabul qilinmagan — Pensiya jamg‘armasi
Pensiya tizimiga kiritiladigan har qanday o‘zgartirishlarda xalq fikri inobatga olinishi ma’lum qilindi.
O‘zbekistonning yadroviy zararni qoplash bo‘yicha konvensiyaga qo‘shilishi ma’qullandi
Yadroviy falokat yuz bergan taqdirda aholiga tovon to‘lanishi taʼminlanadi.
Toshkentdagi tarixiy yodgorlikka 31,5 mlrd so‘m zarar yetkazildi
Yodgorlik hududidan kanalizatsiya quvuri o‘tkazilgan.
O‘zbekistonda “eskrou” tizimi sabab yangi uy-joylar narxi keskin oshishi rad etildi
Uy-joy olmoqchi bo‘lganlarning to‘lov pullari ishonchli saqlanishini kafolatlaydigan yangi tizim haqida batafsil ma’lumot berildi.
Kosondagi bog‘chada 2,5 yoshli qiz vafot etgani yuzasidan tergovga qadar tekshiruv harakatlari olib borilmoqda
Qizning o‘lim sababini aniqlash maqsadida sud-tibbiy ekspertizasi tayinlangan.
“Daryo” nashri musahhihi Munojot Adilova “Shuhrat” medali bilan mukofotlandi
Prezident farmoni bilan, bir guruh OAV vakillari va blogerlar mukofotlandi.
Toshkentda 2 tonnadan ortiq narkotik modda yoqib yuborildi
Poytaxtda 26-iyun – Xalqaro giyohvandlikka qarshi kuniga bag‘ishlangan tadbir o‘tkazildi.
Dala yong‘inlari oqibatida yo‘q bo‘lgan maydonlar hajmi qancha gektarga yetgani ochiqlandi
Mazkur vaziyatlar bo‘yicha axborotlar Bosh prokuratura, Ekologiya vazirligi hamda boshqa tegishli idoralarga yuborilgan.
Sirdaryoda noqonuniy baliq ovlanishi oqibatida qariyb yarim mlrd so‘m zarar yetkazildi
Reyd davomida 19 dona baliq Sirdaryo daryosidan ovlangani ma’lum bo‘ldi.
Shavkat Mirziyoyev Belarusga yetib bordi
“Minsk” milliy aeroportida davlat rahbarini Belarus bosh vazirining birinchi o‘rinbosari kutib oldi.
Izoh (0)