Toshkent shahar Mirzo Ulug‘bek tumanida ko‘p qavatli uylarning biridagi xonadonda chaqnash sodir bo‘lgani xabar qilingandi. Poytaxt hokimligi holat bo‘yicha tezkor shtab tashkil etilganini ma’lum qildi.
Aytilishicha, hodisa sodir bo‘lgan ko‘p qavatli uyda qo‘shni xonadonlar ham zarar ko‘rgani aniqlandi. Hozirda shahar va Mirzo Ulug‘bek tumani hokimliklari tomonidan ularning xavfsizligi va qulay sharoitlarini ta’minlash maqsadida oila a’zolari bilan birga mehmonxonaga vaqtincha joylashtirish choralari ko‘rilmoqda.
Shuningdek, ular issiq ovqat bilan ta’minlandi. Mutasaddi tashkilotlar tomonidan zararni baholash va bartaraf etish ishlari davom etmoqda.
Voqea haqida batafsil
1-mart kuni soat 15:23 da Toshkent shahar FVBga Mirzo Ulug‘bek tumani, Qorasuv-4 mavzesida joylashgan ko‘p qavatli uylarning biridagi xonadonda chaqnash sodir bo‘lgani to‘g‘risida xabar tushgan. Aytilgan manzilga yong‘in-qutqaruv ekipajlari yetib borgan. Voqea joyiga FVB, IIBB, SSB, prokuratura va boshqa tegishli tashkilotlar xodimlari yetib borgan.
Yong‘in-qutqaruv ekipajlari soat 15:29 da yetib borganida 9 qavatli uyning 9-qavatidagi xonadonda chaqnash natijasida yong‘in sodir bo‘lgani aniqlangan. Yong‘in soat 16:07 da o‘chirilgan.
Manzilda 6 nafar fuqaro qutqarilib tez tibbiy yordam xizmatiga topshilgan, halok bo‘lganlar to‘g‘risida hozirda ma’lumot kelib tushmadi.
Mazkur holat yuzasidan birlamchi ma’lumotlarga qaraganda, yong‘in sodir bo‘lgan xonadonda fuqaro oshxonada gaz plitasini yoqish orqali o‘z joniga qasd qilishga uringan. Natijada gaz havo aralashmasi chaqnashi sodir bo‘lib yong‘in kelib chiqqandan so‘ng ushbu fuqaro 9-qavatdan o‘zini tashlash orqali halok bo‘lgani aniqlandi.
Bundan avval Toshkent shahrining Yashnobod tumani, “Do‘stobod” MFY, Maxtumquli ko‘chasidagi ko‘p qavatli uylarning birdagi xonadon oshxonasida gaz-havo aralashmasining chaqnash sodir bo‘lgandi. Chaqnash oqibatida 1 nafar fuqaro kuyish tan jarohati olib, shifoxonaga yuborilgan.
20-noyabr kuni Toshkent shahar Mirzo Ulug‘bek tumani, “Lashkarboshi” MFY Niyozbek yo‘li ko‘chasida joylashgan umumiy ovqatlanish joyining dudburonida yong‘in sodir bo‘ldi.
31-dekabr kuni Chilonzor tumanidagi ovqat tayyorlash joyida yong‘in sodir bo‘lgan edi.
2025-yil 25-fevral kuni Toshkent shahrining Yashnobod tumani, Aviasozlar 4-dahasida joylashgan avtomobillar yuvish joyida yong‘in sodir bo‘lgandi.
Izoh (0)