O‘zbekistonda generator sohasida tanilgan Sany power endi yangi nom — Seer power sifatida faoliyat yuritadi.
Toshkent shahrida kompaniya rebrendingiga bag‘ishlangan tantanali tadbir o‘tkazildi. Tadbirda besh yil davomida erishilgan yutuqlar, kelgusidagi rejalar taqdim etildi.
Kompaniya ish boshqaruvchisi Saidolimxon Sultonmurodovning aytishicha, Seer power generatorlari qisqa vaqt ichida sifat jihatdan respublikada yetakchiga aylandi.
“O‘zbekistonda Sany power brendi ostida 5 yil faoliyat yuritdik. Xitoydagi zavodimiz butun dunyo bo‘yicha kengaygani uchun Seer power group’ga rebrending qildik. Mahsulotlarimizga talab yildan yilga oshib bormoqda. Ayniqsa, ishlab chiqarish sohasida generatorlarga qiziqish yuqori.
Bu yil Toshkent viloyatida yangi generator zavodini ochishni maqsad qilganmiz. Seer Power o‘z mijozlariga 3 kilovattdan 1500 kilovattgacha quvvatdagi generatorlarni taklif qiladi. Kichik generatorlar benzinda, kattalari dizel va gazda ishlaydi. Generator sotib oldingizmi, bizda unga servis ko‘rsatish imkoniyatlari ham bor. Xodimlarimiz o‘z vaqtida, aytilgan manzilga borib xizmatlarni taqdim etadi”, deydi mutaxassis.
Generator kuchli motor bilan ishlagani uchun o‘zidan shovqin chiqaradi. Seer power generatorlar shovqinini pasaytirish ustida ham ishlamoqda. Masalan, o‘tgan yili tovushi 85 dB bo‘lgan generatorlar shovqini bu yil 75 dBga tushirilgan. Shu bilan birga, uskunalar ichki qismlari doim yangilanib boriladi.
“Bizda Perkins, Cummins, Caterpillar kabi dunyoga mashhur motorlar bo‘yicha ham hamkorlik bor. Agar shunday motor kerak bo‘lsa, buyurtma asosida yetkazib beramiz. Seer Power’da barcha kerakli ehtiyot iqsmlar, xizmatlar va mutaxassislar tayyor”, dedi Saidolimxon Sultonmurodov.
Yaqinda Toshkent shahrida tashkil etilgan Energetika haftaligi doirasida katta ko‘rgazma o‘tkazilgan edi. Haftalikda AQSH, Xitoy, Germaniya, Britaniya va boshqa rivojlangan davlatlardan jami 465 ta kompaniya qatnashdi. Ko‘rgazmada Seer power ham o‘zining yangi modeldagi generatorlarini namoyish qildi.
Kompaniya menejeri Day Man ko‘rgazmada qator mijozlar orttirishga erishilganini aytdi.
“Ko‘p tadbirkorlar bilan tanishdik. Asosiysi, yirik neft-gaz kompaniyalari bilan shartnoma imzolashga ham erishdik. Misol uchun, Samarqand viloyatidagi 300 va 500 kilovattlik generatorlarga buyurtma oldik. Ular dizel yonilg‘isida ishlaydi. Yana bir nechta neft-gaz kompaniyalari bizning gazda ishlaydigan generatorlarga qiziqish bildirdi. Ularni qator loyihalariga sharnoma imzolash arafasidamiz”, dedi mutaxassis.
Seer power sotuvdan tashqari, xizmat ko‘rsatish bo‘yicha ham faol ish olib bormoqda. Masalan, generatorlar ijaraga ham beriladi.
To‘y, tadbir yoki mehmon kelgan payt svet o‘chsa, Seer power bilan bog‘lanish mumkin. Mutaxassislar 1-2 soat ichida generator yetkazib, ulab beradi. Generatorlar ijaraga 1 sutkadan 2 oygacha taqdim etiladi.
Izoh (0)