Namangan viloyatidagi maktablarning birida gaz to‘ldirilgan sharlar portlab, qizlarning sochi yongani aks etgan video tarqaldi. Viloyat maktabgacha va maktab ta’limi boshqarmasi holat yuzasidan ma’lumot berdi.
Mehnat kodeksiga ko‘ra o‘z vazifasiga sovuqqonlik bilan qaragani, tashkilotda o‘rnatilgan ichki mehnat tartib qoidalarini qo‘pol ravishda buzganligi, o‘ziga yuklatilgan lavozim vazifalarini lozim darajada bajarmagani va bir qator kamchiliklarga yo‘l qo‘ygani uchun Chortoq tumanidagi 48-umumta’lim maktabi direktori bilan tuzilgan mehnat shartnomasi bekor qilindi.
Shuningdek, muassasaning ma’naviy-ma’rifiy ishlar bo‘yicha direktor o‘rinbosarlari va sinf rahbariga nisbatan tegishli intizomiy jazo choralari qo‘llanildi.
Qoraqalpog‘istonda inspektor quvgan yigit maktab o‘quvchisi emasligi aniqlangan edi. Shu kuni respublika bo‘ylab bir kunda o‘quvchilar tomonidan avtomobil boshqarish bilan bog‘liq 256 ta holat aniqlangandi.
Izoh (0)