Farg‘ona viloyatida 4,1 mlrd so‘mlik tabiiy gazdan noqonuniy foydalangan metan zapravka aniqlandi, deb xabar bermoqda “O‘zenergoinspeksiya”.
Unga ko‘ra, holat “O‘zenergoinspeksiya” Farg‘ona viloyat hududiy boshqarmasi tomonidan huquqni muhofaza qilish organlari va taʼminot korxonasi bilan hamkorlikda o‘tkazilgan nazorat tadbirida aniqlangan. “F.P.S” MCHJga qarashli Farg‘ona tumani, Novkent shaharchasida joylashgan avtomobillarga gaz to‘ldirish kompressor shoxobchasi tabiiy gazdan noqonuniy foydalanib kelgan.
Xususan, shoxobchada gaz isteʼmoli hajmini o‘zgartirish maqsadida o‘lchov tizimidagi patrubka ichki qismiga davlat standarti talablariga zid tashqi taʼsir ko‘rsatilgan. Dastlabki hisob-kitoblarga asosan davlat manfaatlariga yetkazilgan zarar miqdori 4 milliard 193 million so‘mni tashkil etgan.
Mazkur holat yuzasidan huquqni muhofaza qilish organlari tomonidan tergovga qadar tekshiruv ishlari olib borilmoqda.
Gaz o‘g‘irlash holatlari
Izoh (0)