Qashqadaryoda elektr o‘lchov priborlari dasturga kiritilmasdan, tarmoqdan noqonuniy foydalangan MCHJ tizimga 1 milliard 82 million so‘m zarar yetkazgani aniqlandi.
Xabar berilishicha, holat “O‘zenergoinspeksiya” Qashqadaryo viloyat hududiy boshqarmasi tomonidan huquqni muhofaza qiluvchi organlar bilan hamkorlikda o‘tkazilgan nazorat tadbirida aniqlangan. Koson tumanida faoliyat yuritayotgan “K.S.A.” MCHJ elektr o‘lchov priborlari dasturga kiritilmasdan, noqonuniy foydalanib kelinayotgani ma’lum bo‘ldi.
Ushbu holat bo‘yicha dastlabki hisob-kitoblarga ko‘ra, elektr ta’minoti korxonasi manfaatiga 1 mlrd 82 mln so‘m miqdorida zarar yetkazilganligi aniqlangan.
Qoidabuzar iste’molchiga nisbatan belgilangan tartibda choralar ko‘rish uchun tegishli hujjatlar rasmiylashtirilib, huquqni muhofaza etuvchi organlarga taqdim etilgan.
Izoh (0)