Qashqadaryoda energiya resurslaridan noqonuniy foydalanish holatlari fosh etildi. Bu haqda Bosh prokuratura huzuridagi Iqtisodiy jinoyatlarga qarshi kurashish departamenti xabar berdi.
Maʼlum qilinishicha, Qarshi va Ko‘kdala tumanlaridagi “L.K.” NMTT hamda “U.B.” fermer xo‘jaligi masʼul shaxslari umumiy foydalanishdagi tabiiy gaz va elektr tarmog‘iga to‘g‘ridan to‘g‘ri ulangan.
Oqibatda 177,1 mln so‘mlik energiya resurslaridan noqonuniy foydalanilgan.
Mazkur holatlar yuzasidan Jinoyat kodeksining 169-moddasi (o‘g‘rilik) bilan jinoyat ishlari qo‘zg‘atilib, tergov harakatlari o‘tkazilmoqda.
Farg‘ona viloyatining Koson, Samarqand viloyatining Samarqand va Sirdaryo viloyatining Boyovut tumanida energiya resurslaridan noqonuniy foydalanish holatlari fosh etilgandi.
Avvalroq Sirdaryoda 491 mln so‘mlik “svet”dan noqonuniy foydalangan fermer xo‘jaligi rahbari ushlangani to‘g‘risida xabar berilgandi. Shuningdek, Buxoroda 433,5 mln so‘mlik elektr energiyasidan noqonuniy foydalangan MCHJ aniqlangan, Qoraqalpog‘istonda 180 mln so‘mlik elektrdan noqonuniy foydalanganlar ushlangan edi.
Izoh (0)