Toshkent viloyatida ichimlik suvi va oqova xizmatlar bo‘yicha yangi to‘lov ta’riflari joriy qilindi. Bu haqda viloyat hokimligi xabar berdi.
Unga ko‘ra, Toshkent viloyatida 1-iyuldan boshlab, Xalq deputatlari viloyat kengashi tomonidan ichimlik suvi va oqova xizmatlar bo‘yicha yangi to‘lov ta’riflari tasdiqlandi. Quyidagi jadval orqali “Toshkent viloyati suv ta’minoti” AJ, “Musaffo obi hayot magistral suv ta’minoti” AJ, “Chimgan-Chorbog‘ magistral suv ta’minoti” AJlarda o‘zgargan ta’rif summalari bilan tanishish mumkin.
Unga ko‘ra:
Ichimlik suvi:
- a) aholi uchun –1 m3 – 2600 so‘m;
- b) byudjet tashkilotlari uchun - 1m3 – 15 000 so‘m;
- v) ulgurji iste’molchilar uchun - 1m3 - 15 000 so‘m;
Oqova suv xizmati:
- a) aholi uchun – 1 m3 – 1 300 so‘m;
- b) byudjet tashkilotlari uchun - 1m3 – 3 000 so‘m;
- v) ulgurji iste’molchilar uchun - 1m3 – 3 000 so‘m.
Narxlar qo‘shimcha qiymat solig‘isiz.
O‘zbekistonda 2025-yilning 1-yanvar holatiga 5,8 mln kvartira (uy)lar ichimlik suvi bilan taʼminlangan. Kvartira (uy)larning ichimlik suvi bilan taʼminlanganlik darajasi 77,1 foizni tashkil etdi (2024-yil 1-yanvar holatiga — 75 foiz).
“O‘zsuvtaʼminot” bergan ma’lumotga ko‘ra, O‘zbekistonda 2025-yilda 715 ming aholiga ilk bor toza ichimlik suvi yetib boradi. Joriy yilda 1 619 kilometr ichimlik suvi, 521 kilometr oqova suv tarmoqlarini tortish, tizimdagi 162 ta inshootni qurish va rekonstruksiya qilish rejalashtirilgan.
2025-yil yanvar oyi holatiga ko‘ra, O‘zbekiston aholisining 80,9 foizi markazlashgan ichimlik suvi bilan ta’minlangan. So‘nggi 6 yilda aholining ichimlik suvi taʼminotini yaxshilashga 10 trillion so‘mga yaqin mablag‘ yo‘naltirildi. Ushbu mablag‘lar hisobidan 1 176 ta suv inshooti va 20,8 ming kilometr ichimlik suvi tarmoqlari tortildi.
O‘zbekistonda 2026-yilda markazlashgan ichimlik suvi bilan taʼminlanganlik 90 foizga, oqova suv xizmati bilan qamrab olinganlik darajasi 35 foizga yetkaziladi.
Izoh (0)