Xalq deputatlarining Toshkent shahar kengashi tomonidan 12-sentyabrda aholi va yuridik shaxslar (byudjet tashkilotlari bundan mustasno) uchun tariflarni 15 foizga oshirish to‘g‘risidagi taklif maʼqullandi. Veolia Energy narxlar oshirilishiga izoh berdi.
Ma’lum qilinishicha, tariflarning oshishiga issiqlik va issiq suv ishlab chiqarish uchun zarur bo‘lgan energiya resurslari – gaz va elektr energiyasi narxlarining oshishi ta’sir ko‘rsatdi. 2023-yilda korxonalar uchun elektr energiyasi tariflari bir necha barobarga oshdi. Ushbu qo‘shimcha Xarajatlarni qoplash uchun 2023-yil 2-dekabrdan boshlab byudjet tashkilotlari va boshqa yuridik shaxslar uchun tariflar oshirildi.
Ammo shunga qaramay, 2023/2024-yilgi isitish mavsumi tugagunga qadar aholi uchun tarif o‘zgarishsiz qoldi. 2024-yil 2-apreldan boshlab tarif 15 foizga oshdi, shunda ham bu energiya resurslari narxining o‘sish sur’atidan sezilarli darajada past ekani ta’kidlanmoqda. Bu 2019-yildan buyon aholini tarifini ilk oshishi edi.
“Ko‘rib turganingizdek, biz narxlarning keskin oshishiga yo‘l qo‘ymaslik maqsadida tariflar o‘sishini asta-sekin va bir maromda amalga oshirishga intilmoqdamiz”, deyiladi xabarda.
Veolia Energy tomonidan taqdim etilgan hujjatlarga muvofiq markaziy isitish va issiq suv yetkazib berish xizmatlari uchun quyida taklif etilgan narxlar ma’qullandi:
- aholiga — bir Gkal uchun 121 617 so‘m;
- boshqa ulgurji tashkilotlarga bir Gkal uchun — 244 497 so‘m (QQSsiz).
Aholiga issiqlik va issiq suv ta’minoti xizmatlari narxi so‘nggi marta 2024-yilning 2-aprelida, isitish mavsumi tugagan kundan bir kun o‘tib 15 foizga ko‘tarilgandi.
- 2024-yilning fevralida Veolia Energy Tashkent Toshkent shahri aholisiga issiq suv va issiqlik ta’minoti tarifini 15 foizga oshirish taklifini kiritgan edi.
- Bu elektr energiyasi, gaz, ichimlik suvi va kanalizatsiya xizmatlari, shuningdek, issiqlik ishlab chiqaruvchi korxonalar uchun sotib olingan issiqlik energiyasi narxlarining oshishi bilan bog‘liqligi ko‘rsatilgan.
Izoh (0)