UEFA Chempionlar Ligasi chorak final javob bosqichidagi dastlabki ikki uchrashuv bo‘lib o‘tdi. Unda “Borussiya D” o‘z maydonida “Barselona”ni qabul qilgan bo‘lsa, “PSJ” Birmingemga safar uyushtirdi.
Germaniyada kechgan bellashuvda muxlislar tezkor golga guvoh bo‘lishdi. 11-daqiqada Serhu Grassi penaltidan hisobni ochdi. 49-daqiqada Grassi o‘zining dublini rasmiylashtirgan bo‘lsa, 76-daqiqada xet-trik muallifiga aylanib, jamoasiga g‘alaba taqdim etgan gollar muallifiga aylandi. “Barselona” yagona golini avtogol evaziga qo‘lga kiritdi. 54-daqiqada dortmundliklar a’zosi Rami Bensebaini o‘z darvozasiga to‘p kiritib qo‘ydi.
Ikki o‘yin natijasiga ko‘ra, 5:3 hisobida g‘alaba qozongan kataloniyaliklar yarim final yo‘llanmasiga ega chiqdi.
Angliyada kechgan uchrashuvda muxlislar 5 ta golga guvoh bo‘lishdi. Dastlab parijliklar ketma-ket ikkita gol urishni uddalagan bo‘lsa, “Aston Villa” 3 ta to‘p bilan javob qaytardi. Uchrashuvdagi hisob 11-daqiqada Ashraf Hakimi tomonidan ochildi, 27-daqiqada Nunu Mendesh parijliklarning o‘yindagi ikkinchi goliga mualliflik qildi. 34-daqiqaga kelib Yuri Tilemans hisobni bittaga qisqartirdi.
Ikkinchi bo‘limning 55-daqiqasida birmingemliklar hisobni tenglashtirdi. gol muallifi — Jon Makgin. 57-daqiqada Ezri Konsa “Aston Villa”ning o‘yindagi 3-golini kiritdi. Uchrashuvning qolgan daqiqalari ham qizg‘in kurashlar ostida o‘tdi, biroq darvozalar boshqa ishg‘ol qilinmadi.
Shu tariqa ikki o‘yin natijasiga ko‘ra, 5:4 hisobida g‘alabani qo‘lga kiritgan parijliklar yarim finalning ikkinchi ishtirokchisiga aylandi.
YCHL
chorak final, javob uchrashuvlari
15-aprel, seshanba
“Borussiya D” — “Barselona” 3:1
Gollar: 1:0 — Serhu Grassi (11), 2:0 — Serhu Grassi (49), 2:1 — Rami Bensebaini (avtogol, 57), 3:1 — Serhu Grassi (76).
“Aston Villa” — “PSJ” 3:2
Gollar: 0:1 — Hakimi (11), 0:2 — Mendesh (27), 1:2 — Tilemans (34), 2:2 — Jon Makgin(55), 3:2 — Ezri Konsa (57).
Izoh (0)