“Barselona” bosh murabbiyi Hansi-Diter Flik kataloniyaliklar hujumchisi Robert Levandovskini “An-Nassr” safida to‘p surayotgan Krishtianu Ronaldu bilan solishtirdi. Bu haqda Goal nashri xabar bermoqda.
Nemis mutaxassisining fikricha, Robertning tanasi xuddi Ronaldunikiga o‘xshash:
Bu yoshda shunday darajada o‘ynash aqlga sig‘maydi. Bu bir tomondan jismoniy holatga, boshqa tomondan esa o‘ziga qanday g‘amxo‘rlik qilishga bog‘liq. Uning tanasi xuddi Ronalduniki kabi ajoyib. Robert — haqiqiy professional. U kerakli natijaga erishish uchun barcha narsani nazorat qiladi, dedi Flik.
Joriy mavsumda Levandovski barcha musobaqalarda 46 ta o‘yinda maydonga tushib, 40 ta gol urdi hamda 3 ta golli uzatma berdi. Uning klub bilan amaldagi shartnomasi 2026-yil yozigacha mo‘ljallangan. Transfermarkt portaliga ko‘ra, futbolchining hozirgi qiymati 15 million yevroni tashkil etadi.
Izoh (0)