Chempionlar Ligasida inglizcha final. “Manchester Siti” — “Chelsi” o‘yini haqida

Chempionlar Ligasida inglizcha final! Xosep Gvardiolaning yorqin va g‘alabaga chanqoq uslubi, Tomas Tuxelning pragmatik futboliga qarshi. “Manchester Siti” 2020/21-yilgi mavsumda Angliya chempionligini qo‘lga kiritdi va 4-o‘rinni olgan “Chelsi”ni 19 ochkoga ortda qoldirdi. Bir qarashda favorit aniqdek, biroq Tomas Tuxel ketma-ket ikkita o‘yinda “Siti”ni mag‘lub etgani finalga intriga qo‘shadi.

Jamoalar bosib o‘tgan yo‘l

Londonliklar “Sevilya”, “Renn”, “Krasnodar” bilan bir guruhdan joy oldi va osonlikcha pley-off masalasini hal qildi. Nimchorak finalda “Chelsi” “Atletiko”ga ikkita o‘yinda javobsiz uchta gol holda keyingi bosqichga yo‘l oldi. Qur’a “ko‘klar”ga yana omadli keldi va yarim final yo‘lida “Portu” taslim etildi. Tuxel jamoasi yarim finalda “Real”ni ortda qoldirishga muvaffaq bo‘ldi.

“Manchester Siti”

Xosep Gvardiola “Chelsi”ga qarshi o‘yindan avval jamoasi Chempionlar Ligasidagi o‘yinlarning birinchi bo‘limida qiyinchilikka uchrayotganiga e’tibor qaratdi. Ayniqsa “Borussiya D”ga qarshi javob bahsi va “PSJ” bilan dastlabki o‘yinda parijliklarga oson bo‘lmadi.

Dortmundliklar qarshi javob o‘yinining birinchi bo‘limi 0:1 hisobida boy berilgandi. Hujum chizig‘ida bir qator ijrochilarga ega jamoa tanaffusga qadar raqib darvozasi tomon faqat bir bor aniq zarba bera olgandi. Biroq ikkinchi bo‘limda jamoa o‘ziga kelgan va raqib darvozasiga ikkita to‘p kiritgandi. Shuningdek, “shaharliklar” Parijdagi o‘yinning birinchi bo‘limida ham yaxshi ko‘rinmagandi. Ochiq o‘yinda tanaffusga qadar “PSJ” darvoza tomon to‘rtta zarba bergan bo‘lsa, inglizlar ikki marta bu ishni uddaladi. O‘z imkoniyatlardan foydalanish va raqibning qo‘l-oyoqlarini bog‘lay olish ikkinchi bo‘limda uddalandi. Uchrashuvning ikkinchi yarmida “PSJ” darvoza tomon birorta ham aniq zarba bermadi, “Siti” esa bu ishni to‘rt bor uddaladi.

“Chelsi” bilan esa hammasi o‘zgachami?

So‘nggi o‘zaro ikki o‘yinda “Chelsi” statistika tomondan “Manchester Siti”dan yaxshiroq harakat qildi. Kubok yarim finalida “shaharliklar” kubok o‘yinida aniq zarbalar borasida Manchester jamoasi yaxshiroq natijaga erishdi (aniq zarbalar — 3:0), chempionatda esa birinchi bo‘limni o‘z foydasiga hal qilgan (3:1). O‘shanda Serxio Aguero penaltini aniq ijro etgan holda o‘yin masalasini hal qilib qo‘yishi mumkin edi, biroq u penaltidan foydalana olmagandi.

Qizig‘i chempionatdagi o‘yinning ikkinchi bo‘limida “Manchester Siti” tizginni butkul “Chelsi”ga topshirib qo‘ydi. Londonliklar to‘plar nisbati va aniq zarbalar borasida ustunlikka ega bo‘ldi. Biroq Chempionlar Ligasi finalida avvalgi natijalarning barchasi unutiladi va hammasi boshidan boshlanadi.

“Chelsi”

Mavsum oxiri “ko‘klar” uchun nafaqat mag‘lubiyatlar, balki jarohatlarga ham boy bo‘ldi. Chempionlar Ligasi finali oldidan yarim himoyachi Ngolo Kante va darvozabon Eduard Mendining ishtiroki masalasi so‘roq ostida qoldi.

Fransiyalik yarim himoyachi “Lester”ga qarshi o‘yin (2:1) vaqtida jarohat oldi va APLning so‘nggi turidagi “Aston Villa”ga qarshi bahsni o‘tkazib yubordi. Mendi esa aynan 38-tur bahsida safdan chiqdi. Yaqinda Tomas Tuxel finalda Kepa Arrisabalagani o‘yinga tashlashi ehtimoli borligini tan olgandi.

Biroq o‘yinga uch kun vaqt qolganda Kante va Mendi umumiy guruh mashg‘ulotlariga qaytgani ma’lum bo‘ldi. Keyinroq ular final qaydnomasidan joy oldi. Shu tariqa Tuxel “Manchester Siti”ga qarshi o‘yinga to‘liq tarkib bilan yetib keldi.

“Chelsi” “omadsizlik keltirayotgan” odatidan voz kechadi

“Chelsi” bu o‘yinga 2020/21-yilgi mavsumdagi libosida maydonga tushadi. Bir necha yildan buyon londonliklar mavsumning yakuniy qismini yangi mavsum liboslarida o‘tkazib kelayotgandi. Joriy mavsumdagi so‘nggi o‘yinlar ham yangi libos bilan o‘tkazilgandi. “Chelsi” yangi mavsum libosida Angliya Kubogi finalida “Lester”ga qarshi o‘ynadi. Shuningdek, “Chelsi”ning ayollar jamoasi ham Chempionlar Ligasi finalida “Barselona”ga qarshi yangi ekpirovkada chiqdi. Natija — ikkita mag‘lubiyat.

Shundan keyin klub ko‘plab muxlislar tomonidan eski variantga qaytishga chaqirildi. Qizig‘i bunday holat “Chelsi” bilan oldin ham kuzatilgan. 2008-yilgi finalda London klubi “Manchester Yunayted”ga qarshi kechgan finalda yangi libosda maydonga tushadi va yutqazib qo‘yadi. 2013-yilgi YChL va 2019-yilgi Yevropa Ligasi finalida esa jamoa libosni o‘zgartirmaydi. Bu o‘yinlarda “ko‘klar” g‘alaba qozonadi.

Statistika va faktlar

• Tomas Tuxel “Chelsi” boshqaruvida Pep Gvardiolaga qarshi ikki o‘yinni ham yutdi;
• “Manchester Siti” — Chempionlar Ligasi finaliga qadar yetib kelgan 9-ingliz jamoasi;
• Chempionlar Ligasi finalida ketma-ket uchinchi mavsum ushbu bosqich debyutanti qatnashmoqda (“Tottenhem”, “PSJ”, “Manchester Siti”);
• 2005/06-yilgi mavsumdan beri ilk bor Chempionlar Ligasining ikki finalchisi mavsum davomida beshtadan kam gol o‘tkazib yubordi;
• “Manchester Siti”dagi so‘nggi o‘yinini o‘tkazishi mumkin bo‘lgan Serxio Aguero faoliyati davomida “Chelsi”ga 13 ta gol urgan, argentinalik futbolchi faqat “Nyukasl”ga bundan ko‘proq to‘p kiritgan;
• 2018-yilda “Lion”dan uchralgan mag‘lubiyatdan keyin Bernardu Silva Chempionlar Ligasida ketma-ket 26 o‘yindan buyon yutqazmayapti (23 g‘alaba, 3 durang);