Futbol bo‘yicha Yevropa Chempionlar Ligasi 1/8 final doirasidagi 4 ta uchrashuv 11-mart, seshanba kuni bo‘lib o‘tdi.
Dastlabki bahs Kataloniyada “Barselona” va “Benfika” jamoalari o‘rtasida o‘tdi. Ushbu o‘yin 3:1 hisobida maydon egalarining g‘alabasi bilan yakunlandi. Hisob 11-daqiqada Rafinya tomonidan ochildi, “Benfika” esa 2 daqiqadan keyin javob golini kiritdi. Uchrashuvning 27-daqiqasida Lamin Yamal oradagi farqni yana bittaga oshirib qo‘ydi. Birinchi taym yakuni arafasida esa Rafinya “Barsa”ning o‘yindagi 3-golini kiritdi va o‘zining dublni rasmiylashtirdi.
Uchrashuvning keyingi daqiqalarida boshqa gol kiritilmadi. Ikki o‘yin narijasiga 4:1 hisobida g‘alaba qozongan “Barselona” keyingi bosqich yo‘llanmasini naqd qildi.
“Liverpul” - “PSJ” o‘rtasidagi bahsning taqdirini bitta gol hal qildi. O‘yinning 12-daqiqasida Usmon Dembele to‘p kiritib, parijliklarni hisobda oldinga olib chiqdi. Bahsning qolgan asosiy va qo‘shimcha bo‘limlarida boshqa gol kiritilmadi. Ikki o‘yin natijasiga ko‘ra, hisob teng — 1:1. Shundan keyin penaltilar seriyasiga murojaat qilindi. Ushbu lotareyada “PSJ” 4:1 hisobida g‘alaba qozondi va keyingi bosqichga yo‘l oldi.
Germaniyada “Bayer” va “Bavariya” o‘rtasida navbatdagi bahs bo‘lib o‘tdi. Dastlabki o‘yinda 3:0 hisobida g‘alaba qozongan myunxenliklar javob uchrashuvida ham ustunlikni mustahkamlab qo‘ydi. Harri Keyn va Alfonso Devisning gollari jamoaga 2:0 hisobidagi g‘alabani taqdim etdi. Ikki o‘yin natijasiga ko‘ra, 5:0 hisobida g‘alaba qozongan “Bavariya” keyingi bosqichga yo‘l oldi.
Italiyada bo‘lib o‘tgan “Inter” va “Feyenord” jamoalari o‘rtasidagi bahsda milanliklar 2:1 hisobida g‘alaba qozondi. Tyuram va Chalxono‘g‘luning kiritgan to‘plariga niderlandiyaliklar safidan Yakub Moder bitta gol bilan javob qaytardi. Ikki uchrashuv natijasiga ko‘ra, 4:1 hisobida g‘alaba qozongan “Inter” keyingi bosqichga yo‘l oldi.
YCHL
1/8 final
11-mart, seshanba
“Barselona” – “Benfika” 3:1
Gollar: 1:0 — 11, Rafinya, 1:1 — 13, Nikolas Otamendi, 2:1 — 27, Lamin Yamal, 3:1 — 42, Rafinya.
Dastlabki o‘yin: 1:0
“Barselona”: Shensni, Balde, Martines (Erik Garsiya, 87), Arauxo, Kunde, Pedri, de Yong (Kasado, 82), Rafinya, Olmo (Gavi, 70), Yamal (Lopes, 82), Levandovski (Ferran Torres, 70).
“Benfika”: Trubin, Dal, Otamendi, Antoniu Silva, Tomash Arauju (Rego, 84), Kekchyu (Belotti, 70), Florentinu (Barreyro, 70), Eursnes, Skellerup (Amduni, 56), Pavlidis, Aktyurkoglu (Sanshesh, 56)
“Liverpul” – “PSJ” 0:1 (Penaltilar seriyasi 1:4)
Dastlabki o‘yin: 1:0
Gol: 0:1 — 12, Dembele
“Liverpul”: Alisson, Robertson, van Deyk, Konate (Endo, 111), Aleksander-Arnold (Kuansa, 73), Mak Allister (Djons, 90), Gravenberx, Dias (Gakpo, 102), Soboslai (Elliot, 105), Salax, Diogu Jota (Nunes, 73).
“PSJ”: Donnarumma, Mendesh, Pacho, Markinos (Beraldo, 90), Xakimi, Fabian Ruis (Zair-Emeri, 90), Vitinya, Joau Nevesh (Gonsalu Ramush, 120), Kvaratsxeliya (Li Kan In, 101), Dembele, Barkolya (Due, 67).
“Bayer” – “Bavariya” 0:2
Dastlabki o‘yin: 0:3
Gol: 0:1 — 52, Harri Keyn, 0:2 — 71, Alfonso Devis
“Bavariya”: Urbig, Devis, Kim Min Chje, Upamekano, Laymer (Stanishich, 46), Kimmix, Goretska (Palinya, 84), Koman (Gnabri, 58), Musiala, Olise (Ito, 69), Keyn (Myuller, 85),
“Bayer”: Gradetski, Inkapie, Ermoso (Andrix, 38), Ta, Artur (Bonifase, 65), Grimaldo (Buendia, 84), Frimpong, Aleish Garsiya (Adli, 66), Djaka, Palasios, Shik.
“Inter” – “Feyenoord” 2:1
Gollar: 1:0 — 8, Markus Tyuram, 1:1 — 42, Moder, 2:1 — 51, Hakan Chalhano‘g‘lu
Dastlabki o‘yin: 2:0
“Inter”: Zommer, Bissek, Acherbi (Kokki, 84), Pavar, Karlos Augusto (Bastoni, 61), Mxitaryan, Chalxanoglu (Aslani, 61), Frattezi (Berenbrux, 84), Dumfris, Taremi, Tyuram (Arnautovich, 71).
“Feyenoord”: Vellenroyter, Bueno, Gansko, Belen, Rid (Mitchell, 75), Ivanushes (Redmond, 75), Smal, Moder, Sliti (Trauner, 63), Ueda (Karransa, 63), Xadj-Mussa
Izoh (0)