Madridning “Real” klubi sobiq futbolchisi Guti “Barselona”ning 17 yoshli qanot hujumchisi Lamin Yamal haqida fikr bildirdi. Bu haqda Championat nashri xabar bermoqda.
Uning fikricha, ispaniyalik futbolchi ba’zi narsalar bo‘yicha Messidan ustunroq:
Yamalning ajoyib iste’dodi bor. Bu futbolchi bitta harakat bilan o‘yinni hal qila oladi. Men 17 yoshda Messi buni qilganini eslay olmayman. Yamal hozirda ham Ispaniya chempionatining, ham “Barselona”ning asosiy yulduzi hisoblanadi, lekin Lamin hali juda yosh va ko‘proq ishlashi kerak, deydi Guti.
Joriy mavsumda 17 yoshli Yamal barcha musobaqalarda 40 o‘yinda ishtirok etib, o‘z hisobiga 13 gol va 18 ta golli uzatma yozdirib qo‘ygan. Futbolchining klub bilan amaldagi shartnomasi 2027-yilga qadar davom etadi. Transfermarkt uning bozor qiymatini 180 million yevroga baholamoqda.
Ma’lumot uchun, Guti 1995-yildan 2010-yilga qadar “Real” sharafini himoya qilgan. Keyinchalik bir muddat “Beshiktosh” safida ham harakat qildi.
Izoh (0)