“Barselona” vingeri Rafinya UEFA Chempionlar Ligasi chorak final bosqichidagi “Borussiya Dortmund”ga qarshi birinchi uchrashuvda (4:0) ajoyib o‘yin namoyish etdi. Ushbu bahsdan keyin ESPN nashri futbolchini “Oltin to‘p” uchun asosiy da’vogar sifatida e’tirof etdi.
Angliya Premyer Ligasida “Lids” bilan quyi ligaga tushib ketishi mumkin bo‘lgan braziliyalik futbolchi oradan uch yil o‘tib, “Oltin to‘p” uchun asosiy nomzod, deb yozadi ESPN.
Rafinya mazkur bahsda bir gol urib, ikki golga assistentlik qildi. Shu tariqa, u “Barselona” bilan bir mavsum ichida Chempionlar Ligasidagi bahslarda 12 ta samarali harakat (gollar va assistlar) qayd etgan Lionel Messining rekordiga yetib oldi. Kataloniyaliklar hozircha musobaqaning chorak final bosqichida va braziliyalik futbolchi bu natijani yangilashi ehtimoli ancha yuqori.
Umuman olganda, Rafinya joriy mavsumda “Barselona” safida 50 ta golda ishtirok etgan futbolchi hisoblanadi.
Ma’lumot uchun, u “Barselona”ga 2022-yil “Lids”dan transfer qilingan edi.
Izoh (0)