FIFA 27-fevral, dushanba kuni mavsumning eng yaxshilariga The Best sovrlarinini topshirdi.
Yilning eng yaxshi o‘yinchisi sifatida “PSJ” klubi va Argentina terma jamoasi hujumchisi Lionel Messi e’tirof etildi.
Ushbu sovringa, shuningdek, fransiyalik futbolchilar Kilian Mbappe (“PSJ”) va Karim Benzema (“Real”) da’vogarlik qilgandi.
Yilning eng yaxshi murabbiyi nomiga Argentina terma jamoasi bosh murabbiyi Lionel Skaloni munosib topildi. Ushbu sovringa da’vogarlar uchligida Karlo Anchelotti (“Real”) va Xosep Gvardiola (“Manchester Siti”) bor edi.
Argentina terma jamoasining yana bir vakili Emiliano Martines (“Aston Villa”) yilning eng yaxshi darvozaboniga aylandi. Bu borada Martinesga Tibo Kurtua (“Real”, Belgiya) va Yassin Bunu (“Sevilya”, Marokash) raqobatchi bo‘lgandi.
Yilning eng chiroyli goli muallifiga topshiriladigan “Pushkash sovrini”ga polshalik Marchin Oleksi loyiq ko‘rildi.
FIFA va FIFPro talqiniga ko‘ra yil ramziy terma jamoasi
Darvozabon: Tibo Kurtua (“Real”, Belgiya);
Himoyachilar: Ashraf Hakimi (“PSJ”, Marokash), Joau Kanselu (“Manchester Siti”, Portugaliya), Virjil van Deyk (“Liverpul”, Niderlandiya);
Yarim himoyachilar: Kevin de Bryuyne (“Manchester Siti”, Belgiya), Luka Modrich (“Real”, Xorvatiya), Kazemiro (“Manchester Yunayted” / “Real”, Braziliya);
Hujumchilar: Lionel Messi (“PSJ”, Argentina), Kilian Mbappe (“PSJ”, Fransiya), Karim Benzema (“Real”, Fransiya), Erling Holand (“Manchester Siti” / “Borussiya D”, Norvegiya).
Shuningdek, quyidagi sovrinlar o‘z egalariga topshirildi:
- Eng yaxshi futbolchi (ayollar) — Aleksiya Putelyas (“Barselona”, Ispaniya);
- Eng yaxshi darvozabon (ayollar) — Meri Erps (“Manchester Yunayted”, Angliya);
- Eng yaxshi murabbiy (ayollar) — Sarina Vigman (Angliya ayollar terma jamoasi);
- Eng yaxshi muxlislar — Argentina terma jamoasi muxlislari;
- Feyr-pley sovrini — Luka Lokoshvili (o‘yin vaqtida raqib futbolchisini saqlab qolishga yordam bergan);
- Maxsus sovrin — Pele.
Sovrindorlar 2021/22-yilning mavsumning boshlanishidan JCH—2022 ning tugashigacha bo‘lgan davrdagi natijalar bo‘yicha aniqlandi.
Izoh (0)