Futbol bo‘yicha UEFA Chempionlar Ligasi chorak final bosqichi dastlabki uchrashuvlar doirasidagi “Barselona” — “Borussiya D” hamda “PSJ” — “Aston Villa” bahslari 9-aprel, chorshanba kuni o‘tkazildi.
Kataloniyada kechgan bellashuvda mezbonlar yirik 4:0 hisobida g‘alaba qozondi. 25-daqiqada Rafinya hisobni ochgan bo‘lsa, ikkinchi taymning 48-daqiqasida Levandovski jamoasining ikkinchi golini kiritdi. 66-daqiqada polshalik hujumchi o‘zining dublini rasmiylashtirdi. 77-daqiqada Lamin Yamal “Barselona”ning o‘yindagi 4-golini kiritib, “ko‘k-anorranglilar”ga chorak finalning birinchi uchrashuvida yirik g‘alabani taqdim etdi.
Kunning ikkinchi bahsi Parijda o‘tkazildi. Unda “PSJ” “Aston Villa”ni qabul qilib, 3:1 hisobida g‘alaba qozondi. Uchrashuvdagi hisobni inglizlar ochdi. 35-daqiqada Morgan Rojers parijliklar darvozasini ishg‘ol qildi. Oradan 4 daqiqa o‘tib, Luis Enrike jamoasi tablodagi natijani tenglashtirdi. Gol muallifi — Desir Due. Ikkinchi taymning 4-daqiqasida Xvicha Kvaratsxeliya “PSJ”ni hisobda oldinga olib chiqdi. Uchrashuv yakuni arafasida esa Nunu Mendesh parijliklarning o‘yindagi 3-golini kiritib, uchrashuvga yakuniy nuqtani qo‘ydi.
YCHL
Chorak final, dastlabki bahslar
9-aprel, chorshanba
“Barselona” — “Borussiya D” 4:0
Gollar: 1:0 — Rafinya (25), 2:0 — Levandovski (48), 3:0 — Levandovski (66), 4:0 — Yamal (77)
“Barselona”: Shesni - Kunde, Kubarsi, Martines (Arauxo 81), Balde - De Yong, Pedri (Garsiya 81) - Yamal (Fati 86), Fermin (Gavi 74), Rafinya - Levandovski (Torres 81)
“Borussiya D”: Kobel - Riyerson (Sule 81), Jan, Anton, Bensebaini - Chukvuemeka (Reyna 81), Nmecha (O‘zjan 68) - Adeyemi (Bayer 46), Brandt, Gittens (Dyuranvil 81) - Girassi.
“PSJ” — “Aston Villa” 3:1
Gollar: 0:1 — Rojers (35), 1:1 — Desir Due (39), 2:1 — Xvicha (49), 3:1 — Mendesh (90+2)
“PSJ”: Donnarumma — Mendesh, Pacho, Beraldo, Hakimi — Ruis (Zair-Emeri, 72), Vitinya, Nevesh — Kvaratsxeliya (Ramush, 90+3), Dembele, Due (Barkolya, 72)
“Aston Villa”: Martines — Din, Torres, Konsa, Kesh (Disasi, 46) — Tilemans (Matsen, 80), Kamara — Remzi (Asensio, 59), MakGinn (Onana, 80), Rodjers — Rashford (Uotkins, 79)
Izoh (0)