УЕФА Чемпионлар Лигаси чорак финал жавоб босқичидаги дастлабки икки учрашув бўлиб ўтди. Унда “Боруссия Д” ўз майдонида “Барселона”ни қабул қилган бўлса, “ПСЖ” Бирмингемга сафар уюштирди.
Германияда кечган беллашувда мухлислар тезкор голга гувоҳ бўлишди. 11-дақиқада Серҳу Грасси пенальтидан ҳисобни очди. 49-дақиқада Грасси ўзининг дублини расмийлаштирган бўлса, 76-дақиқада хет-трик муаллифига айланиб, жамоасига ғалаба тақдим этган голлар муаллифига айланди. “Барселона” ягона голини автогол эвазига қўлга киритди. 54-дақиқада дортмундликлар аъзоси Рами Бенсебаини ўз дарвозасига тўп киритиб қўйди.
Икки ўйин натижасига кўра, 5:3 ҳисобида ғалаба қозонган каталонияликлар ярим финал йўлланмасига эга чиқди.
Англияда кечган учрашувда мухлислар 5 та голга гувоҳ бўлишди. Дастлаб парижликлар кетма-кет иккита гол уришни уддалаган бўлса, “Астон Вилла” 3 та тўп билан жавоб қайтарди. Учрашувдаги ҳисоб 11-дақиқада Ашраф Ҳакими томонидан очилди, 27-дақиқада Нуну Мендеш парижликларнинг ўйиндаги иккинчи голига муаллифлик қилди. 34-дақиқага келиб Юри Тилеманс ҳисобни биттага қисқартирди.
Иккинчи бўлимнинг 55-дақиқасида бирмингемликлар ҳисобни тенглаштирди. гол муаллифи — Жон Макгин. 57-дақиқада Эзри Конса “Астон Вилла”нинг ўйиндаги 3-голини киритди. Учрашувнинг қолган дақиқалари ҳам қизғин курашлар остида ўтди, бироқ дарвозалар бошқа ишғол қилинмади.
Шу тариқа икки ўйин натижасига кўра, 5:4 ҳисобида ғалабани қўлга киритган парижликлар ярим финалнинг иккинчи иштирокчисига айланди.
ЕЧЛ
чорак финал, жавоб учрашувлари
15 апрель, сешанба
“Боруссия Д” — “Барселона” 3:1
Голлар: 1:0 — Серҳу Грасси (11), 2:0 — Серҳу Грасси (49), 2:1 — Рами Бенсебаини (автогол, 57), 3:1 — Серҳу Грасси (76).
“Астон Вилла” — “ПСЖ” 3:2
Голлар: 0:1 — Ҳакими (11), 0:2 — Мендеш (27), 1:2 — Тилеманс (34), 2:2 — Жон Макгин(55), 3:2 — Эзри Конса (57).
Изоҳ (0)