O‘zbekistondagi maktablarda taʼlim berayotgan o‘qituvchilarning umumiy soni 2024/2025-o‘quv yili boshida 564,9 ming nafarni tashkil etgan. Bu haqda Statistika agentligi xabar berdi.
Maʼlum qilinishicha, ushbu ko‘rsatkich 2019/2020-o‘quv yili boshiga nisbatan solishtirilganda 78,3 ming nafarga oshgan.
Yillar kesimida umumiy o‘rta taʼlim tashkilotlarida taʼlim berayotgan o‘qituvchilar (o‘rindoshlarsiz) soni:
- 2019/2020-o‘quv yili boshiga 486,6 ming nafar;
- 2020/2021-o‘quv yili boshiga 508,2 ming nafar;
- 2021/2022-o‘quv yili boshiga 510,0 ming nafar;
- 2022/2023-o‘quv yili boshiga 521,6 ming nafar;
- 2023/2024-o‘quv yili boshiga 547,7 ming nafar;
- 2024/2025-o‘quv yili boshiga 564,9 ming nafar.
Maʼlumot uchun, 2024/2025 o‘quv yili boshiga faoliyat yuritayotgan umumtaʼlim muassasalari soni 10 943 tani tashkil etgan.
Izoh (0)