Ko‘plab blokbaster va dramalardagi rollari tufayli mashhur bo‘lgan, suratga olish maydonchasida bir necha marta o‘zini xavf ostiga qo‘ygan amerikalik aktyor va prodyuser Tom Kruz “Uddalab bo‘lmas topshiriq” franshizasining sakkizinchi qismi ustida ishlamoqda.
U suratga olish vaqtida — osmonda olingan kadrlarning birida hushidan ketib qolgani haqida so‘zlab berdi. Tom Kruz parvoz paytida biplandan tashqariga chiqib ketadi va uchuvchining kabinasi tomondan osilgan holatda hayot uchun kurashadi:
Aktyorning so‘zlariga ko‘ra, mazkur tryuk uchun Kruz maxsus nafas olish mashqlarini o‘rganishga majbur bo‘lgan, chunki 3000 kilometr balandlikda va 200 km/soat tezlikda uchish chog‘ida odatiy nafas olishning iloji bo‘lmaydi va osmonda kislorod yetishmay qoladi.
Bunday xatarli tryuk va to‘xtovsiz suratga tushish ishlari Tom Kruz jismoniy holatiga salbiy ta’sir ko‘rsatgan va uning hushidan ketishiga olib kelgan.
“O‘sha lahzada his qilgan stressni o‘ylasam, ko‘nglim orqaga tortadi” deydi aktyor Empire nashriga bergan intervyusida.
Ammo rejissyorning so‘zlariga ko‘ra, bu filmdagi eng xavfli tryuk emas. Kristofer Makkuarrining aytishicha, yangi loyihada Tom Kruz yanada aqlbovar qilmaydigan ishlarni bajargan. “Uddalab bo‘lmas topshiriq 8: yakuniy hisob-kitob” filmining premyerasi 2025-yil 23-may kuni bo‘lib o‘tishi kutilmoqda.
Izoh (0)