Yosh bo‘lishiga qaramay nafaqat vatani Turkiyada, balki boshqa davlatlarda ham mashhurlikka erishgan aktyor Mert Ramazon Demir joriy yil 28-yanvar kuni 27 yoshni qarshi oldi. Quyida “Qo‘rg‘on sirlari”dagi Ferit Korhan obrazi orqali millionlab tomoshabinlar va muxlislarga ega turk yulduzi haqida qiziqarli ma’lumotlarni taqdim etamiz.
1. Ko‘p farzandli oila
Mert Ramazon Demir tadbirkorlar oilasida tug‘ilgan, uning otasi Turkiyaning Shile viloyatida hunarmand va savdogar bo‘lgan. Bo‘lajak aktyorning onasi uy bekasi bo‘lgan va bolalar tarbiyasi bilan shug‘ullangan. Mert Ramazon besh nafar o‘g‘ilning kenjasi. Shuningdek, undan keyin oiladagi yagona qiz farzand — singlisi Zeyner dunyoga kelgan.Mertning bolaligi Shile viloyatining kichik qishlog‘ida o‘tgan.
Demirning ota-onasi qiyin kunlarni boshdan kechirgan, oila doimo pulsizlikdan qiynalgan, lekin oila a’zolari o‘rtasidagi iliq va ishonchli munosabatlar ularga har doim barcha to‘siqlarni yengib o‘tishga yordam bergan.
Mert maktab davrini Istanbuldan 50 kilometr uzoqlikda o‘tkazgan, talabalik yillarida esa doim ham uy-joy to‘lovi uchun mablag‘ topa olmagan, shu sababli aktyor erishgan barcha yutuqlari uning uzoq mehnat samarasi hisoblanadi.
2. Sportga va lukum bo‘lgan ishtiyoq
Mert maktab yillarida futbol va basketbolga mehr qo‘ygan hamda professional sportchi bo‘lishni orzu qilgan. Uning jismonan baquvvat ko‘rinishi “Muhtasham yuz yil: Ko‘sem imperiyasi” tarixiy serialini suratga olish paytida yordam bergan. U yerda aktyorlar bir hafta davomida suratga olish uchun jiddiy tayyorgarlik ko‘rgan: ular mashg‘ulotlar lagerida yashab, ot minish, qilichbozlik kabi ko‘nikmalarni o‘rgangan.
Mert Ramazon bu vaqtda sportni tark etmadi, hatto qo‘shimcha tarzda boks, suzish va stol tennisi bilan ham shug‘ullana boshlagan.
Bundan tashqari, Mert Ramazon shirinliklarni juda yaxshi ko‘ra, ayniqsa Turkiyaning rahat lukumisiz hayotini tasavvur eta olmaydi. Bu haqda aktyorning o‘zi intervyulardan birida tan olgan.
3. Kinoga muhabbat paydo bo‘lishi
Ingliz dramaturgi Uilyam Shekspirning pyesasi 17 yoshli Mertni shu qadar hayratda qoldirdiki, u aktyorlik kasbiga qiziqa boshladi. Uning so‘zlariga ko‘ra, aynan Hamlet obrazi Mert o‘zida sinab ko‘rgan birinchi rol bo‘lgan:
“O‘shanda 17 yoshda edim — akam bilan yashardim, u Denizlidagi kollejda o‘qirdi. Men “Hamlet” pyesasiga tayyorlanayotgan edim. O‘sha lahzani eslaganimda, menga juda ajoyib tuyuladi. Teatrga juda qiziqib qolganman: bu hayotimdagi birinchi rolim edi”, deydi u.
Shu paytdan boshlab yosh sportchi ijodkorlikka qiziqib qoldi, so‘ng Dialog Lecture Communication maktabida aktyorlik bo‘yicha o‘qidi. Keyin Mishel Dannerning Istanbul studiyasiga topshirdi. Shu yillarda bo‘lajak aktyor turli kastinglarda qatnasha boshladi.
4. “Ustoz” seriali va bezorilik
Ko‘p o‘tmay u “Fazilat xonim va uning qizlari” teleserialida kichik rol o‘ynadi. Ushbu loyihaning suratga olish ishlari tugagandan so‘ng, Mert nihoyat aktyorlik uning taqdiri ekanligiga amin bo‘ldi. O‘sha paytda “Ustoz” teleserialidagi roli unga katta shuhrat keltiradi. Maktabdagi bezorilik mavzusiga to‘xtalgan ushbu serialda aktyor Atesh rolini ijro etdi. Qizig‘i shundaki, maktabda yosh Mert ramazonning sinfdoshlari uni qalin qoshlari uchun masxara qilishgan, shuning uchun yigit juda uyatchan bo‘lib ulg‘aygan.
Shundan so‘ng Mert Ramazonning aktyorlik karyerasi tezlik bilan rivojlana boshladi. U muntazam ravishda yangi loyihalarga chaqiriladi, mashhur brendlar ham unga bir necha million dollarlik reklama shartnomalarini imzolashni taklif qildi.
Bu orada u “Usmonli imperiyasining yuksalishi”, “Shohmoron”, “O‘lish vaqti emas”, “Yalang‘och”, “Men senman”, “Ovozingda muhabbat bor” kabi filmlarda rol o‘ynadi.
5. “23” va boshqa tatuirovkalar
Mert Ramazon Demirning bir nechta kichik tatuirovkalari bor. Masalan, uning oyog‘ida 701 raqami tushirilgan. Aktyorning so‘zlariga ko‘ra, bu mehmonxona nomeri bo‘lib, u yerda hayotidagi muhim voqea sodir bo‘lgan. “To the wonder” iborasi esa aktyorning bilagida tushirilgan.
Yaqinda esa aktyorning qo‘lida yana bir tatuirovka — “23” soni paydo bo‘ldi. Muxlislarning taxminiga ko‘ra, u aktyorning qallig‘iga bog‘liq raqam bo‘lib,ilk uchrashuv yoki kelajakdagi to‘y sanasini bildirishi mumkin.
6. Shaxsiy hayot
Mertning birinchi muhabbati Aysa ismli qiz bo‘lgan, ammo ularning munosabati aktyor Istanbulga ko‘chib o‘tganidan so‘ng nihoyasiga yetgan.
“Qo‘rg‘on sirlari” filmini suratga olish paytida, hali mashhur bo‘lmasidan oldin, aktyorning shaxsiy hayoti haqida ishonchli ma’lumotlar yo‘q edi. So‘ng 2023-yilda Demir va uning hamkasbi Afra Sarachog‘li o‘rtasida ishqiy munosabat bo‘lganligi haqida mish-mish paydo bo‘ldi. Bir necha oy o‘tgach, turk ommaviy axborot vositalari hatto ularning birgalikdagi ta’tilining yorqin fotosuratlarini ham chop etdi.
Darhaqiqat, aktyorlar avvalroq tanish bo‘lgan, ular “O‘qituvchi” va “Fazilat xonim qizlari” loyihalarida birga ishlashgan.
2023-yilning qishida Afra Mert bilan o‘rtasida hech narsa yo‘qligini aytdi. Shundan so‘ng ommaviy axborot vositalari ularning ajralishi haqidagi xabarlar bilan tom ma’noda “portladi”.
Biroq Mert Ramazon va Arfaning 2025-yil yanvar oyida Portugaliyada birga dam olgani ularning unashtirilgani haqidagi mish-mishlarni yanada kuchaytirdi. Ayrim ommaviy axborot vositalari esa yulduzli juftlik to‘yga tayyorgarlik ko‘rayotgani haqida xabar bermoqda.
Izoh (0)