Janubiy Karolinalik mahbus Bred Sigmon so‘nggi 15 yil ichida otish yo‘li bilan qatl etilgan birinchi amerikalik mahbusga aylanadi. CBS News xabar berishicha, erkak o‘z ixtiyori bilan ushbu qatl usulini tanlagan.
Bred Sigmon 2001-yilda bir qizni o‘g‘irlab ketgani va uning ota-onasini beysbol tayoqchasi bilan o‘ldirgani uchun o‘limga hukm qilingandi. Hukm ijrosi shu yil 7-martga belgilangan. Mahkum stulga bog‘lab qo‘yiladi va boshiga maxsus qalpoq kiydiriladi. Shundan so‘ng erkakning yuragiga 4,5 metr masofadan o‘q uziladi.
Mahkum qatl usuli sifatida inyeksiya yoki elektr stul o‘rniga otib o‘ldirishni tanladi.
“Mening mijozim Bred Sigmon elektr stulni tanlamadi, chunki u tiriklayin kuyishni istamaydi”, deydi uning advokati.
CBS News taʼkidlashicha, 1976-yildan beri Amerika Qo‘shma Shtatlarida uch mahkum o‘q otish yo‘li bilan qatl etilgan. Oxirgi marta bunday qatl 2010-yilda amalga oshirilgan.
Izoh (0)