Жанубий Каролиналик маҳбус Бред Сигмон сўнгги 15 йил ичида отиш йўли билан қатл этилган биринчи америкалик маҳбусга айланади. CBS News хабар беришича, эркак ўз ихтиёри билан ушбу қатл усулини танлаган.
Бред Сигмон 2001 йилда бир қизни ўғирлаб кетгани ва унинг ота-онасини бейсбол таёқчаси билан ўлдиргани учун ўлимга ҳукм қилинганди. Ҳукм ижроси шу йил 7 мартга белгиланган. Маҳкум стулга боғлаб қўйилади ва бошига махсус қалпоқ кийдирилади. Шундан сўнг эркакнинг юрагига 4,5 метр масофадан ўқ узилади.
Маҳкум қатл усули сифатида инексия ёки электр стул ўрнига отиб ўлдиришни танлади.
“Менинг мижозим Бред Сигмон электр стулни танламади, чунки у тириклайин куйишни истамайди”, дейди унинг адвокати.
CBS News таъкидлашича, 1976 йилдан бери Америка Қўшма Штатларида уч маҳкум ўқ отиш йўли билан қатл этилган. Охирги марта бундай қатл 2010 йилда амалга оширилган.
Изоҳ (0)