14-fevral kuni nafas yo‘llari infeksiyasi bilan kasalxonaga yotqizilgan Rim papasi Fransiskda ikki tomonlama pnevmoniya aniqlandi, uning ahvoli og‘ir. Bu haqda Vatikan matbuot xizmatiga tayanib, ABC News xabar berdi.
Ko‘krak qafasining takroriy kompyuter tomografiyasi ikki tomonlama pnevmoniya boshlanishini ko‘rsatdi. Hozirda Rim papasi “yaxshi kayfiyatda ekani aytilmoqda.
Bronxoektazlar va astmatik bronxit fonida yuzaga kelgan va kortizon antibiotik terapiyasini talab qilgan polimikrob infeksiya terapevtik davolashni yanada murakkablashtiradi, deyiladi xabarda.
Shu bilan birga, Politico manbalari Fransisk kuchli og‘riqdan aziyat chekayotgani va “bu safar bardosh bera olmasligiga” ishonch bildirmoqda. Papa o‘lim xavfi borligini aytmagunlaricha kasalxonaga yotqizilishga qarshilik ko‘rsatgan.
Endi pontifik o‘z merosini himoya qilishga harakat qilmoqda, asosiy tashabbuslarni yakunlab, unga xayrixoh bo‘lgan odamlarni asosiy lavozimlarga tayinlamoqda. Fransisk cherkovni yanada inklyuziv qilishga harakat qilgan. Uning yaqinda AQSHning yangi ma’muriyati siyosatini qoralashi esa taxt uchun bo‘ladigan juda siyosiylashgan kurash ehtimolini yanada kuchaytirdi.
Rim papasining AQSH vitse-prezidenti bilan mojarosi
AQSHning yangi vitse-prezidenti Jey Di Vens yaqinda bergan intervyularidan birida noqonuniy muhojirlarni deportatsiya qilish katolik nuqtai nazaridan oqlanganini aytgandi.
Bunga javoban Papa Fransisk Amerika yepiskoplariga prezident Donald Tramp ma’muriyatining noqonuniy muhojirlarni ommaviy ravishda deportatsiya qilish rejalarini qoralovchi maktub yo‘lladi. U muhojirlar va qochqinlarni kamsituvchi rivoyatlarga berilmaslikka chaqirdi.
Rim papasi o‘pka infeksiyalariga moyil
U yoshligida plevrit bilan kasallangan va o‘pkasining bir qismi olib tashlangan. 18-fevral kuni Vatikan vakili pontifik sun’iy nafas oldirish apparatiga ulanmaganini, u mustaqil nafas olayotganini ma’lum qildi. So‘nggi yillarda 88 yoshli Rim papasi sog‘lig‘i bilan bog‘liq muammolar, jumladan, uzoq davom etgan bronxit xurujlaridan aziyat chekayotgan edi. 2023-yilning yozida unda churrani olib tashlash bo‘yicha jarrohlik amaliyoti o‘tkazilgan.
Izoh (0)