“Yurak urishi” serialida Kerem Bursin va Lizge Jo‘mert sevishganlar obrazida paydo bo‘lgach, aktyor keskin tanqidlarga duch keldi. Chunki Kerem hamkasbidan 15 yosh katta edi. Biroq turk seriallarida turli yoshdagi aktyor va aktrisalarni juftlik sifatida ko‘rish allaqachon odatiy holga aylangan. Kerem va Lizge ham bu borada yagona misol emas. Ushbu maqolada yoshidagi katta farq ijodiy hamkorligiga monelik qilmagan eng qiziqarli juftliklarni to‘pladik.
Burak Deniz va Burju Joshkun “Tungi ertak”— 14 yosh farq

Burak Denizning “Tungi ertak” serialida Su Burju Joshkun bilan juftlik bo‘lishi ijtimoiy tarmoqlarda tanqid ostida qoldi va muhokama qilindi. Ikki yulduz orasidagi 14 yosh farq “ma’naviyat himoyachilari”ni tinch qo‘ymadi.
Turklar serialni erta yakunlashni talab qildi, chunki suratga olish boshlanganda Su Burju 19 yoshda edi va qizni katta yoshdagi aktyor bilan ekranda ko‘rish kishi uchun haqoratdek tuyulardi. Prodyuserlar norozilik bildirgan tomoshabinlarning fikrini eshitmadi va o‘z ishini davom ettirdi. Natijada, noroziliklar yo‘qoldi va “Tungi ertak” oxiriga kelib, yosh farqi katta bo‘lgan juftlik orasidagi haqiqiy munosabatni hamma bir ovozdan e’tirof etdi.
Kadir Dog‘ulu va Neslihan Atagul “Ishq sohillari” — 10 yosh farq

Kadir Do‘g‘ulu va Neslihan Atagul nafaqat uzoq yillardan beri baxtli turmush qurib, hozirda bir o‘g‘ilni tarbiyalamoqda. Biroq bir vaqtlar ularning “Ishq sohillari” serialidagi roli tomoshabinlarda ko‘plab savollarga sabab bo‘lgan edi.
Bu hamkorlik katta mojaro keltirib chiqarmagan bo‘lsa-da, yulduzlar uchrashib, turmush qurganidan so‘ng turli muhokamalar paydo bo‘ldi. Ko‘plab turk jurnalistlari esa Kadir va Neslihan orasidagi yosh farqi ularning munosabatlariga ta’sir qilayotgan-qilmayotganini aniqlashga urinib ko‘rishdi. Juftlik necha bora yosh farqini sezmasliklarini aytgan bo‘lsa-da, muxlislar uchun bu hali ham shubhali qolmoqda.
Haluk Bilginer va Melisa Dongel “Sakkizinchi oila” — 45 yosh farq

“Sakkizinchi oila” loyihasi Turkiyada Disney+ platformasi uchun suratga olinmoqda va 2025-yil kuzida efirga chiqadi. Ammo, xeyterlar hozirdan serialni Halukning Melisadan 45 yosh katta ekanligi uchun tanqid qilmoqda.
Bunday yosh farqi faqat kasting guruhining istagi emas, balki serial syujetiga bog‘liq zarurat ekanligi hech kimni qiziqtirmaydi. Ijtimoiy tarmoqlarda bu juftlikning muvaffaqiyatiga shubha bildirilmoqda va doim Melisa bunday rol uchun yetarlicha iste’dodga ega emasligi aytilmoqda. Aktyorlar tanqidchilarni avvalo “Sakkizinchi oila” serialini boshidan oxirigacha ko‘rishga chaqirdi, keyin esa fikr bildirishlarini so‘radi.
Halit Ergench va Maryam Uzerli “Muhtasham yuz yil” — 13 yosh farq

Halit Ergench bilan Maryam Uzerli orasidagi yosh farqi hech kimga sir emas, chunki “Muhtasham yuz yil” seriali suratga olinayotgan paytda erkakning sochi to‘kila boshlagan, ayol esa yosh va jozibador ko‘rinishda edi.
Hech kim juftlikni yosh farqi uchun tanqid qilmagan, chunki bunday masalaga e’tibor qaratish kerak emas edi. Bundan tashqari, ekranda kuchli sulton obrazini ishonchli ifodalash uchun yosh yigit mos kelmasdi. “Muhtasham yuz yil”dagi juftlik tomoshabinlarning sevgisini qozondi.
Ozan Gyuven va Serenay Sarikaya “Fi, Chi, Pi” — 17 yosh farq

Turk aktrisasi Serenay Sarikaya “Fi, Chi, Pi” seriali ustida ishlash paytida bir necha aktyorlar bilan birga suratga tushdi, ular undan kattaroq edi. Lekin bu loyiha haqidagi umumiy taassurotga hech qanday ta’sir ko‘rsatmadi.
Syujetning o‘zi tomoshabinlarga taqdim etiladigan voqealar rivoji biroz murakkab bo‘lishini nazarda tutgan. Ozan Gyuven bilan Serenay Sarikaya orasidagi 17 yosh farq ularning rollarini mukammal bajarishiga to‘sqinlik qilgani yo‘q. Demak, bunday yosh farqi hech qanday muammo tug‘dirmaydi.
Mert Yazichio‘g‘lu va Mina Demirtash “Qizil g‘unchalar” — 15 yosh farq

Ko‘pchilikka yoqqan Mert Yazichio‘g‘u va Mina Demirtashning juftligi bu ro‘yxatdagi eng mojaro keltirganlaridan biri edi. Gold Film kompaniyasi loyihani yaratishda diniy mavzuga qo‘l urgan edi. Suratga olish paytida bosh aktrisaning yoshi atigi 17 da edi.
Turk tomoshabinlari uchun yosh farqi ijtimoiy jihatdan qabul qilib bo‘lmasdek ko‘rinardi, va loyiha syujeti ichidagi hissiy noqulay sahnalar esa bu holatni yanada kuchaytirdi. Bir necha marta senzura qo‘mitasi “Qizil gulchambarlar”ga katta jarima solgan va loyiha efirini to‘xtatgan, ammo jamoa taslim bo‘lmagan. Hozirda esa bu serial haqiqiy madaniy fenomen hisoblanadi.
Kaan Uranchio‘g‘lu va Pinar Deniz “Hukm” — 13 yosh farq

Ba’zilar hatto Ilgaz va Jeylin rollarini ijro etgan aktyorlar orasida bunday yosh farqi borligini sezmagan, chunki Kaan Uranchio‘g‘lu va Pinar Deniz ekranda juda tabiiy ko‘rinib, bir-birlariga juda mos tushishgan.
Aktyor hamkasbidan 13 yosh katta bo‘lsa-da, juftlikni hech kim tanqid qilmagan. Ikki qahramonning sevgi hikoyasi tomoshabinlarni ta’sirlantirdi va ularning qalbini zabt etdi. Shu sababli yosh farqini hech kim sezmagan.
Izoh (0)