Xitoyda politsiyachi 2003-yilda farzandidan ayrilgan onaga tasalli berish uchun 11 yil davomida o‘zini keksa er-xotinning o‘g‘lidek ko‘rsatib kelmoqda, deya South China Morning Post xabar berdi.
Shansi provinsiyasida yashovchi Sya Chjanxay va uning rafiqasi Lyan Syaoin baxtsiz hodisada o‘g‘lini yo‘qotgan. Ushbu ayriliq ayolning sog‘lig‘iga katta ta’sir ko‘rsatgan, u falaj bo‘lib qolgan va jiddiy ruhiy muammolarga duch kelgan.
Ayolni tinchlantirish uchun turmush o‘rtog‘i uni o‘g‘li shunchaki boshqa shaharda ishlashiga ishontirgan. Biroz vaqt o‘tgach, erkak televideniyeda Shanxay politsiyasi zobiti Szyan Szinveyni ko‘rgach u bilan bog‘lanadi va yordam so‘raydi.
Shundan so‘ng er-xotin realiti-shouga taklif qilingan, u yerda ofitser o‘zini birinchi marta ularning o‘g‘li deb tanishtirgan. 2016-yilda erkak “ota-onasi”ni Shanxayga taklif qilgan, 2018-yilda esa ular bilan birga Yangi yilni nishonlash uchun ta’tilga chiqqan.
Bundan tashqari, u doimiy ravishda er-xotinga turli sayohatlarda hamrohlik qiladi va ular bilan videokonferensiya orqali muloqot qiladi. Politsiyachining aytishicha, “ota-ona”siga g‘amxo‘rlik qilish unga hech qachon yuk bo‘lmagan, aksincha, mamnuniyat keltirgan.
Izoh (0)