Xitoy sharqidagi Szyansi provinsiyasida noma’lum shaxs maktabga pichoq bilan hujum uyushtirishi oqibatida ikki kishi halok bo‘ldi.
Bu haqda Guysi shahri jamoat xavfsizligi boshqarmasi o‘zining WeChat messenjer akkauntida e’lon qilgan xabarida aytiladi.
Yana 10 kishi yaralangani aytilmoqda. Politsiya tomonidan qo‘lga olingan shaxs voqea sodir bo‘lgan Guysi shahrida yashovchi 45 yoshli erkak bo‘lib chiqdi. Hozircha uning harakatlari sabablari haqida ma’lumot yo‘q.
Politsiya bayonotida maktab o‘quvchilari halok bo‘lganlar yoki jarohatlanganlar safida bor-yo‘qligiga aniqlik kiritilmagan. Barcha jabrlanganlar kasalxonaga yotqizilgan, ularning hayotiga xavf yo‘q.
Avvalroq Sinxua agentligi hujum oqibatida besh kishi jarohatlangani haqida xabar bergan edi.
Izoh (0)