Хитойда Хуан Пин исмли эркак 220 минг доллар эвазига уйи бузилишига қаршилик қилди. Эндиликда унинг уйи атрофида автомагистрал қурилмоқда. Бу ҳақда MSN хабар берди.
-V2LBoCNU.jpg)
Эркакка катта миқдорда товон пули ва кўчиш учун жой танлаш ҳуқуқини таклиф қилишса-да, у қатъиян рад этган. Қурувчилар вазиятдан чиқиш йўлини топган ва муросасиз уй эгасининг ер майдонини айланиб ўтиб, йўл қуришга киришган.
Ишчилар ва маъмурият уй эгаси билан узоқ вақт музокаралар олиб борган, бироқ у таклиф қилинган шартларга кўнмаган. Мавжуд маълумотларга кўра, у компенсация сифатида 220 минг доллардан ортиқ пул олиши мумкин эди. Бундан ташқари, эркакка кўчиб ўтиши мумкин бўлган учта турар жой вариантини танлаш имконияти берилган. Аммо Хуан Пин бу вариантларнинг бирортаси ҳам уни қониқтирмаслигини айтган.
Агар вақтни орқага қайтара олганимда, улар таклиф қилган бузиш шартларига рози бўлардим. Ҳозир ўзимни катта гаровни бой бергандай ҳис қиляпман. Бундан бир оз афсусланаяпман, дейди у.
Ишчилар Хуан Пиннинг ер майдонини четлаб ўтиб, автомагистрал қурмоқда. Уйни баланд деворлар ўраб турибди, қурувчилар бинони йўлдан ажратиш учун шундай ечим топган. Йўл қурилиши ишлари ҳали тугалланмаган, шу боис Хуан Пин ҳар куни қурилиш материаллари ва чиқинди уюмлари билан яшашга мажбур бўлмоқда.
Эркак ҳар куни 11 ёшли набирасини шаҳар марказига олиб боради, у ерда улар кун бўйи вақт ўтказади ва уйга фақат кечқурун, қурувчилар кетгандан кейингина қайтади, деб хабар бермоқда The Sun.
Автомагистрал транспорт ҳаракатига очилгач, уйда янада шовқин кўпайиши эркакни ташвишга солмоқда. Бундан ташқари, уйнинг деворлари вақти-вақти билан тебранмоқда. Автомагистрални жорий йилнинг баҳорида ишга тушириш режалаштирилган.
Изоҳ (0)