Xitoyda may oyidan beri birinchi marta koronavirus bilan og‘rigan bemor vafot etdi, deb xabar bermoqda Pekin partiya qo‘mitasi rasmiy gazetasi Beijing Daily.
Koronavirusga chalingan 87 yoshli erkak 19-noyabr kuni Pekinda vafot etgan. Tashxis 11-noyabr kuni qo‘yilgan, o‘sha paytda uni quruq yo‘tal bezota qilayotgan edi. Ikki kundan keyin unga pnevmoniya tashxisi qo‘yildi. 19-noyabrga kelib, bu o‘pkada og‘ir bakterial infeksiyaga aylandi va erkak septik shokga tushdi.
Septik shok — sepsisning og‘ir shakli bo‘lib, unda infeksiya ichki organlarning faoliyatini buzadi va qon bosimining keskin pasayishiga olib keladi. Ushbu sindromli bemorda qon aylanishi buziladi. Kislorod va boshqa foydali moddalar to‘qimalarga yutilmaydi, oqibatda poliorgan yetishmovchiligi rivojlanadi.
Xitoyga xorijliklarning kirishi bo‘yicha cheklovlar yengillashganidan so‘ng, noyabr oyida mamlakatda COVID-19 bilan kasallanish holatlari oshib ketdi. Infeksiyaga chalinish Pekin, Guanchjou va Chuntsin kabi muhim shaharlarda kuzatilmoqda.
Izoh (0)