Xitoyda 104 kun ishlab, faqat bir kun dam olgan 30 yoshli erkak vafot etdi. U A’bao kompaniyasida bo‘yoqchi bo‘lib ishlagan. Bu haqda South China Morning Post xabar berdi.
Erkak 2023-yilning fevralidan mayigacha dam olish kunlarisiz ishlagan. Faqat 25-may kuni kasallik tufayli dam olgan va butun kunni yotoqxonada o‘tkazgan. 28-may kuni u o‘pka infeksiyasi va nafas yetishmovchiligi bilan kasalxonaga yotqizilgan, 1-iyun kuni esa vafot etgan.
Ijtimoiy ta’minot xizmati xodimlariga ko‘ra, uning o‘limini ortiqcha ishlash oqibati deb hisoblab bo‘lmaydi. Chunki erkak so‘nggi ish kunidan 48 soatdan ortiq vaqt o‘tgach vafot etgan.
Sud esa ortiqcha ishlash noqonuniy hisoblanishi tufayli kompaniyani xodimning o‘limi uchun 20 foiz javobgar deb topgan. Shu sababli kompaniyadan marhumning oilasiga tovon puli to‘lash talab qilingan.
Izoh (0)