Xitoy poytaxti Pekinda koronavirusga chalinishlar soni ortishi fonida murakkab epidemiologik vaziyat yuzaga keldi. Bu haqda “RIA Novosti” xabar berdi.
Pekin hukumati matbuot kotibi Su Xeszyanning so‘zlariga ko‘ra, shaharda pandemiyaga qarshi kurash “tanqidiy bosqichda”.
“Poytaxtda koronavirusga chalinish ko‘rsatkichi oshmoqda, aholi orasida kasallik keng tarqalmoqda. Epidemiyaning oldini olish va nazorat qilish ishlari esa tanqidiy darjada”, — dedi Syu Xeszyan.
Ta’kidlanishicha, hozirda ustuvor vazifa poytaxtning eng zich hududlaridan biri bo‘lgan Chaoyang tumanida epidemiyaga qarshi kurashish hisoblanadi. Pekinda 20-noyabr, yakshanba kuni 154 ta mahalliy, shuningdek, 808 ta simptomsiz koronavirus holati aniqlandi. Poytaxtdagi epidemiologik vaziyat noyabr oyi boshidan asta-sekin yomonlasha boshladi. 22-noyabrdan Pekin hukumati mamlakatning boshqa mintaqalaridan shaharga kirish qoidalarini kuchaytiradi. Seshanba kunidan boshlab Pekinga kelganlar uch kun ichida uchta PZR testini topshirishi kerak bo‘ladi.
Xitoyda may oyidan beri birinchi marta noyabr oyida koronavirus bilan og‘rigan bemor vafot etdi. Koronavirusga chalingan 87 yoshli erkak 19-noyabr kuni Pekinda vafot etgan. Tashxis 11-noyabr kuni qo‘yilgan, o‘sha paytda uni quruq yo‘tal bezovta qilayotgan. Ikki kundan keyin unga pnevmoniya tashxisi qo‘yilgan. 19-noyabrga kelib, bu o‘pkada og‘ir bakterial infeksiyaga aylangan va erkak septik shokka tushgan.
Izoh (0)