Tokiodan Sietlga uchayotgan samolyot 55 yoshli AQSH fuqarosi styuardessaning qo‘lini tishlab olgani uchun uchish aeroportiga qaytishga majbur bo‘ldi.
Parvoz dushanba kuni kechqurun amalga oshirilgan. Samolyotga ko‘tarilganidan ko‘p o‘tmay yo‘lovchi Maykl Trevis Xalyard styuardessaning o‘z o‘rniga o‘tirish haqidagi iltimosiga agressiv tarzda javob berib, aviakompaniya xodimining qo‘lini tishlab, unga jarohat yetkazdi.
Samolyot Tokioning Haneda aeroportiga qaytishga majbur bo‘lgan, u yerda zo‘ravon yo‘lovchi qo‘lga olingan. Tergov davomida erkak bu voqeani eslay olmasligini tan oldi. TBS telekanali ma’lumotlariga ko‘ra, yo‘lovchi parvoz vaqtida uxlatuvchi dori ta’sirida bo‘lgan.
Avvalroq Xitoyda samolyotning uchishi janjal ko‘targan yo‘lovchi tufayli uch soatga kechiktirilgan edi. Erkak biznes-klassga ikkita chipta sotib olgan bo‘lib, uchinchisini farzandiga tekin qilib berishlarini so‘ragan.
Izoh (0)