Odatda badavlat insonlarning hech qanday tashvishi yo‘qdek. Ko‘pchilik ularning istaganlari muhayyo bo‘ladi, hatto kasallikka davoni ham sotib olishga qurbi yetadi deb hisoblaydi. Biroq to‘kis hayot ortida ham og‘ir jarohatlar va kechinmalar bilan yashayotgan odamlar yashiringan bo‘lishi mumkin.
“Merosxo‘rlar” (2018-2023)
Roy oilasi yirik xalqaro media konglomerati "Ueystar Royko"ning egalari hisoblanadi. Oila boshlig‘i insult o‘tkazgandan so‘ng, uning sog‘lig‘i tez yomonlashadi, bu esa farzandlarini kompaniyaning kelajagini otasiz rejalashtirish uchun harakatga undaydi. Merosxo‘rlar hokimiyat uchun kurash boshlab yuboradilar: eng razil usullarni qo‘llash orqali, bolalar sog‘lig‘i yaxshi bo‘lmagan otalarini yanada ko‘proq azobga soladilar.
Qahramonlarda pulga o‘chlikdan tashqari, boshqa dahshatli gunohlar iham namoyon bo‘ladi: o‘g‘illardan biri taqiqlangan moddalarga qaramligi bilan tanilgan, qizi qarindoshlariga qari fitnalar bilan mashg‘ul, buning ustiga er-xotin o‘rtasida bir-biriga nisbatan nafrat muhiti hukm suradi. Oxir-oqibat, Roylar haqiqiy ilonlar to‘dasiga aylanadi, u yerda har kim o‘z foydasini ko‘zlaydi , hatto o‘ylamasdan yaqinining ortidan pichoq urishga ham tayyor.
“Oq nilufar” (2021 -...)
“Oq nilufar” seriali qimmat kurortga kelgan boylarning fitnalari va muammolariga to‘la. Syujetga ko‘ra, bir haftalik ta’tilga bir nechta g‘alati millionerlar Gavayining elita mehmonxonasiga kelishadi. Dam olish va kundalik tashvishlarni unutmoqchi bo‘lga ushbu qahramonlarni hafsalasi pir bo‘ladi: bir me’yordagi dam olish mehmonlardan birining sirli o‘limi bilan keskin tus oladi.
Biroq film izchil detektiv hikoya emas: har bir epizodning diqqati bir-biri bilan til topishish juda qiyin bo‘lgan badavlat mehmonlarning g‘ayrioddiy jihatlariga qaratilgan. Film qahramonlarining ajoyib shubha-gumonlari tomoshabin uchun odatiy bo‘lishi mumkin, aslida esa bu badavlat elita ustidan kulgili satiradir. Aynan kinoya va ijodkorlarning taqiqlangan mavzular bo‘yicha jasoratli mulohazalari tufayli shou bir juft “Oltin globus”, bir nechta “Emmi” va tomoshabinlarning cheksiz muhabbatiga sazovor bo‘ldi.
“Buyrak” (2021 -...)
Natalya Kustova — o‘t o‘chirish xizmati inspektori. Uning barcha istaklarini amalga oshirish uchun yetarli puli bor, chunki har bir yangi tekshiruv u uchun haqiqiy jekpot edi. Qahramon korxonalarni rejadan tashqari yopib qo‘yish bilan qo‘rqitib, tovlamachilikdan qaytmaydi va foyda olish uchun hatto qarindoshlarini ham sotishga tayyor. Biroq taqdir ochko‘z Natashaga kutilmagan sovg‘a tayyorlab qo‘ygan: tibbiy ko‘riklardan birida uning buyragi ishlamay qolgani va qizga zudlik bilan sog‘lom a’zo kerakligini ko‘rsatadi.
Ajablanarlisi shundaki, uni sotib olishning iloji yo‘q, garchi Kustova o‘zining barcha muammolarini katta pul bilan hal qilishga odatlangan bo‘lsa ham. Faqat oila a’zolaridan biri mos donor bo‘lishi mumkin, ammo FVV ofitserining yaqinlari bilan munosabatlari unchalik yaxshi emasdi. Endi kasal boy qiz hayotini saqlab qolish va aybini yuvish uchun oilasidan kechirim so‘rashi kerak.
“O‘ta boy osiyoliklar” (2018)
Kevin Kvanning xuddi shu nomdagi romaniga asoslangan komediya-dramatik film. Syujet iqtisod professori Reychel Chu hamkasbi Nik Yang bilan uchrashuvi haqida hikoya qiladi. Qiz hamkasbi Nik uni qo‘lini so‘ramaguncha, uni oilasining behisob boyligidan bexabar edi.
Shubhalar Singapurga uchib ketganda paydo bo‘ladi: yigit samolyotning birinchi klassida alohida bo‘limni ijaraga oladi, keyinchalik bayramni nishonlash uchun butun bir kurort va kemani ijaraga olishadi. Vaqt o‘tishi bilan Reychel o‘ziga o‘xshagan oddiy qizni sevgilisining aristokrat oilasi o‘zlariga munosib ko‘rmasliklarini tushunadi. Ma’lum bo‘lishicha, ko‘pchilik badavlat qizlar yigit ulardan birini qo‘lini so‘rashiga umid qilib yurishgan, multimilliarder er-xotin esa o‘g‘lining oddiy o‘qituvchiga uylanishini xohlamaydi. Chu esa Osiyo magnatlariga his-tuyg‘ularining haqiqiy sofligini va kuchini isbotlashi kerak.
“Katta kichik yolg‘on” (2017-2019)
Umumiy muammoga duch kelgan kichik Kaliforniya shahrining to‘rt badavlat ayoli haqidagi dramatik serial. Medelin muvaffaqiyatli karyera qurgan, Renata katta korporatsiyada top-menejer, Selestaning omadli turmush o‘rtog‘i bor va Jeyn yaqinda nufuzli hududga ko‘chib o‘tdi, ammo atrofdagilarning turmush darajasiga unga mos kelmaydi. Qahramonlarni nafaqat bolalariga g‘amxo‘rlik qilish, balki dahshatli voqea ham birlashtiradi: xayriya tadbirlaridan birida qotillik sodir bo‘ladi va oilalarning har biri qandaydir sirli tarzda jinoyat bilan bog‘liq.
Voqealar rivoji shuni ko‘rsatadiki, hashamat va boylik shunchaki niqob bo‘lib, uning ortida ko‘plab kechinmalar va chuqur jarohatlar yashiringan. Bundan tashqari, film ayollar o‘rtasida mustahkam do‘stlikning imkonsizligi haqidagi stereotiplarni yo‘qqa chiqarib, turli kamchilik va zaifliklarga qaramay, qahramonlar bir-birini tushunadi va qiyin damlarda yordam berishadi.
“Yashash” (2023 -...)
Bosh qahramon — baxtsiz hodisaga uchragan eri Stasning fojiali o‘limidan omon qolgan 30 yoshli Anya. Qiz yorqin karyera qurishga, boyib ketishga va fojiadan qutulishga muvaffaq bo‘ldi, lekin hayot tadbirkor ayolni sirli shifokor Matvey bilan uchrashtiradi. Erkak nafaqat kuchli va mustaqil Annani maftun etadi, balki munosabatlar davomida manipulyatsiyaning butun arsenalidan foydalanadi.
Ayyor Matvey changaliga tushib qolmaslik uchun qahramon munosabatlaridagi o‘ta nozik psixologik usullar va hissiy o‘yinlardan foydalanayotganini payqay boshlaydi. Tez orada Anyaning barcha nosog‘lom munosabatlari qandaydir tarzda sirli bog‘langanligi ma’lum bo‘ladi va hatto erining o‘limi ham tasodif emasdek tuyuladi.
Izoh (0)