Одатда бадавлат инсонларнинг ҳеч қандай ташвиши йўқдек. Кўпчилик уларнинг истаганлари муҳайё бўлади, ҳатто касалликка давони ҳам сотиб олишга қурби етади деб ҳисоблайди. Бироқ тўкис ҳаёт ортида ҳам оғир жароҳатлар ва кечинмалар билан яшаётган одамлар яширинган бўлиши мумкин.
“Меросхўрлар” (2018-2023)
Рой оиласи йирик халқаро медиа конгломерати "Уэйстар Ройко"нинг эгалари ҳисобланади. Оила бошлиғи инсульт ўтказгандан сўнг, унинг соғлиғи тез ёмонлашади, бу эса фарзандларини компаниянинг келажагини отасиз режалаштириш учун ҳаракатга ундайди. Меросхўрлар ҳокимият учун кураш бошлаб юборадилар: энг разил усулларни қўллаш орқали, болалар соғлиғи яхши бўлмаган оталарини янада кўпроқ азобга соладилар.
Қаҳрамонларда пулга ўчликдан ташқари, бошқа даҳшатли гуноҳлар иҳам намоён бўлади: ўғиллардан бири тақиқланган моддаларга қарамлиги билан танилган, қизи қариндошларига қари фитналар билан машғул, бунинг устига эр-хотин ўртасида бир-бирига нисбатан нафрат муҳити ҳукм суради. Охир-оқибат, Ройлар ҳақиқий илонлар тўдасига айланади, у ерда ҳар ким ўз фойдасини кўзлайди , ҳатто ўйламасдан яқинининг ортидан пичоқ уришга ҳам тайёр.
“Оқ нилуфар” (2021 -...)
“Оқ нилуфар” сериали қиммат курортга келган бойларнинг фитналари ва муаммоларига тўла. Сюжетга кўра, бир ҳафталик таътилга бир нечта ғалати миллионерлар Гавайининг элита меҳмонхонасига келишади. Дам олиш ва кундалик ташвишларни унутмоқчи бўлга ушбу қаҳрамонларни ҳафсаласи пир бўлади: бир меъёрдаги дам олиш меҳмонлардан бирининг сирли ўлими билан кескин тус олади.
Бироқ фильм изчил детектив ҳикоя эмас: ҳар бир эпизоднинг диққати бир-бири билан тил топишиш жуда қийин бўлган бадавлат меҳмонларнинг ғайриоддий жиҳатларига қаратилган. Фильм қаҳрамонларининг ажойиб шубҳа-гумонлари томошабин учун одатий бўлиши мумкин, аслида эса бу бадавлат элита устидан кулгили сатирадир. Айнан киноя ва ижодкорларнинг тақиқланган мавзулар бўйича жасоратли мулоҳазалари туфайли шоу бир жуфт “Олтин глобус”, бир нечта “Эмми” ва томошабинларнинг чексиз муҳаббатига сазовор бўлди.
“Буйрак” (2021 -...)
Наталя Кустова — ўт ўчириш хизмати инспектори. Унинг барча истакларини амалга ошириш учун етарли пули бор, чунки ҳар бир янги текширув у учун ҳақиқий жекпот эди. Қаҳрамон корхоналарни режадан ташқари ёпиб қўйиш билан қўрқитиб, товламачиликдан қайтмайди ва фойда олиш учун ҳатто қариндошларини ҳам сотишга тайёр. Бироқ тақдир очкўз Наташага кутилмаган совға тайёрлаб қўйган: тиббий кўриклардан бирида унинг буйраги ишламай қолгани ва қизга зудлик билан соғлом аъзо кераклигини кўрсатади.
Ажабланарлиси шундаки, уни сотиб олишнинг иложи йўқ, гарчи Кустова ўзининг барча муаммоларини катта пул билан ҳал қилишга одатланган бўлса ҳам. Фақат оила аъзоларидан бири мос донор бўлиши мумкин, аммо ФВВ офицерининг яқинлари билан муносабатлари унчалик яхши эмасди. Энди касал бой қиз ҳаётини сақлаб қолиш ва айбини ювиш учун оиласидан кечирим сўраши керак.
“Ўта бой осиёликлар” (2018)
Кевин Кваннинг худди шу номдаги романига асосланган комедия-драматик фильм. Сюжет иқтисод профессори Рейчел Чу ҳамкасби Ник Янг билан учрашуви ҳақида ҳикоя қилади. Қиз ҳамкасби Ник уни қўлини сўрамагунча, уни оиласининг беҳисоб бойлигидан бехабар эди.
Шубҳалар Сингапурга учиб кетганда пайдо бўлади: йигит самолётнинг биринчи классида алоҳида бўлимни ижарага олади, кейинчалик байрамни нишонлаш учун бутун бир курорт ва кемани ижарага олишади. Вақт ўтиши билан Рейчел ўзига ўхшаган оддий қизни севгилисининг аристократ оиласи ўзларига муносиб кўрмасликларини тушунади. Маълум бўлишича, кўпчилик бадавлат қизлар йигит улардан бирини қўлини сўрашига умид қилиб юришган, мултимиллиардер эр-хотин эса ўғлининг оддий ўқитувчига уйланишини хоҳламайди. Чу эса Осиё магнатларига ҳис-туйғуларининг ҳақиқий софлигини ва кучини исботлаши керак.
“Катта кичик ёлғон” (2017-2019)
Умумий муаммога дуч келган кичик Калифорния шаҳрининг тўрт бадавлат аёли ҳақидаги драматик сериал. Меделин муваффақиятли карьера қурган, Рената катта корпорацияда топ-менежер, Селестанинг омадли турмуш ўртоғи бор ва Жейн яқинда нуфузли ҳудудга кўчиб ўтди, аммо атрофдагиларнинг турмуш даражасига унга мос келмайди. Қаҳрамонларни нафақат болаларига ғамхўрлик қилиш, балки даҳшатли воқеа ҳам бирлаштиради: хайрия тадбирларидан бирида қотиллик содир бўлади ва оилаларнинг ҳар бири қандайдир сирли тарзда жиноят билан боғлиқ.
Воқеалар ривожи шуни кўрсатадики, ҳашамат ва бойлик шунчаки ниқоб бўлиб, унинг ортида кўплаб кечинмалар ва чуқур жароҳатлар яширинган. Бундан ташқари, фильм аёллар ўртасида мустаҳкам дўстликнинг имконсизлиги ҳақидаги стереотипларни йўққа чиқариб, турли камчилик ва заифликларга қарамай, қаҳрамонлар бир-бирини тушунади ва қийин дамларда ёрдам беришади.
“Яшаш” (2023 -...)
Бош қаҳрамон — бахтсиз ҳодисага учраган эри Стаснинг фожиали ўлимидан омон қолган 30 ёшли Аня. Қиз ёрқин карьера қуришга, бойиб кетишга ва фожиадан қутулишга муваффақ бўлди, лекин ҳаёт тадбиркор аёлни сирли шифокор Матвей билан учраштиради. Эркак нафақат кучли ва мустақил Аннани мафтун этади, балки муносабатлар давомида манипуляциянинг бутун арсеналидан фойдаланади.
Айёр Матвей чангалига тушиб қолмаслик учун қаҳрамон муносабатларидаги ўта нозик психологик усуллар ва ҳиссий ўйинлардан фойдаланаётганини пайқай бошлайди. Тез орада Анянинг барча носоғлом муносабатлари қандайдир тарзда сирли боғланганлиги маълум бўлади ва ҳатто эрининг ўлими ҳам тасодиф эмасдек туюлади.
Изоҳ (0)