Jahon estradasi yulduzi Jennifer Lopes Armaniston poytaxti Yerevandagi konsertiga tayyorgarlik ko‘rish chog‘ida mahalliy restoranda bo‘lib, milliy taomlarni tatib ko‘rdi, deb xabar berdi “Sputnik” nashri.
Qo‘shiqchi Yerevandagi Cascade Royal restoranida to‘xtab, verandada joylashgan stolni tanladi. U bilan birga jamoasi ham ovqatlandi. Lopes sitrusli limonad, matsun, turli Yevropa pishloqlari assortisi, lososli brusketta, zaytun va lavash buyurtma qilgan. Qayd etilishicha, xonandaga eng ko‘p dolma, shashlik va baqlajondan tayyorlangan issiq milliy taom yoqqan.
Armanistonlik bloger Kamo Tovmasyan Lopesning tashrifidan so‘ng uning buyurtmasini to‘liq takrorlashga qaror qildi va hattoki qo‘shiqchi o‘tirgan stolga o‘tirib oldi. Uning aytishicha, buyurtma qiymati taxminan 37 ming dollarni tashkil etdi.
Pop yulduz — Armaniston davlatiga Up All Night konsert turining doirasida kelgan. Oldinroq uning chiqishi internetda munozaralarga sabab bo‘lgan, chunki davlat hokimiyati bunday tadbir uchun 7 million dollar byudjet ajratilganini ma’lum qilgan edi.
Izoh (0)