Madridning “Real” klubi “Liverpul” himoyachisi Ibrohim Konateni o‘z safiga qo‘shib olishni rejalashtirmoqda. Bu haqda Fichajes nashri xabar berdi.
Manbaga ko‘ra, “qaymoqranglilar” rahbariyati himoya chizig‘ini kuchaytirish zarurligini anglagan va hozirda ularning asosiy nishoni Konate bo‘lib turibdi. Qayd etilishicha, Madrid klubi dastlab “Arsenal” himoyachisi Uilyam Salibani xarid qilishni maqsad qilgan edi. Biroq fransiyalik futbolchi katta ehtimol bilan London klubida qoladi va “Arsenal” bilan shartnomasini uzaytiradi. Shu sababli “Real Madrid” himoyani mustahkamlash boshqa variant qidirmoqda.
Ibrohim Konatening “Liverpul” bilan amaldagi shartnomasi 2026-yil yozida yakunlanadi. Mersisaydliklar rahbariyati uni jamoada saqlab qolishni istamoqda, biroq tomonlar hozircha yangi bitim bo‘yicha muzokaralar boshlamagan. Futbolchining o‘zi esa Ispaniya La Ligasidan jiddiy taklif bo‘lsa, uni ko‘rib chiqishga tayyorligini bildirgan. “Real Madrid” esa Konateni 2026-yilda erkin agent sifatida qo‘lga kiritishni rejalashtirmoqda.
- Ibrohim Konate 2024/25-yilgi mavsum “Liverpul” safida jami 42 o‘yinda maydonga tushgan.
- Himoyachi ushbu bahslarda 2 ta gol va 2 ta assist muallifiga aylangan.
- Transfermarkt portali 26 yoshli futbolchining transfer qiymatini 60 million yevroga baholamoqda.
Izoh (0)