Toshkent shahrining Yakkasaroy tumani, Bobur ko‘chasida 12-yanvar kuni soat 09:50 larda Cobalt avtomashinasida yong‘in kelib chiqqan. Bu haqda poytaxt IIBB YHXB axborot xizmati xabar berdi.
Yong‘in tuman FVB xodimlari tomonidan bartaraf etilgan.
Hodisa oqibatida tan jarohat olganlar bo‘lmagan.
Mazkur hodisa yuzasidan YHXB hamda FVB xodimlari tomonidan surishtiruv olib borilib, yong‘in yuzaga kelishining sabablariga aniqlik kiritilmoqda.
3-noyabr kuni ham Qamchiq dovonida yuk avtomobilida qisqa tutashuv sababli yong‘in yuzaga kelgandi.
Shuningdek, Qamchiq dovonida 5-noyabr kuni soat 13:30 larda yuk mashinasi yonib ketgandi.
Dekabr oyi oxirida Qashqadaryo va Toshkentda mashinalar yonib ketgandi.
Izoh (0)