Braziliyaning janubi-sharqida avtobus yengil avtomobil va yuk mashinasi bilan to‘qnashib ketishi oqibatida 38 kishi halok bo‘ldi. Bu haqda CNN Brasil telekanali mahalliy o‘t o‘chirish xizmatiga tayanib xabar bermoqda.
Telekanal ma’lumotlariga ko‘ra, fojia 21-dekabr kuni ertalab Minas-Jerays shtatida yuz bergan. San-Pauludan kelayotgan avtobus yengil avtomobil va yuk mashinasi bilan to‘qnashgandan so‘ng, yong‘in chiqqan. Aniqlanishicha, avtobusda 45 nafar yo‘lovchi bo‘lgan.
“Yo‘lovchilarning 13 nafari tirik holda topilgan va tibbiyot muassasasiga yetkazilgan. O‘t o‘chiruvchilar yong‘inni o‘chirishga va YTH vayronalari ichidan 22 nafar qurbonlarning jasadlarini olib chiqdi”, deyiladi xabarda.
Telekanal ma’lumotlariga ko‘ra, avariya avtobus g‘ildiragi yorilishi ortidan sodir bo‘lgan. Haydovchi boshqaruvni yo‘qotib, yuk mashinasiga borib urilgan.
“Orqada kelayotgan yengil avtomobil ham avtobus bilan to‘qnashib ketgan, biroq mashina salonidagi uch nafar yo‘lovchi tirik qolgan”, deya aniqlik kiritdi telekanal.
Izoh (0)